Turpi i përbashkët i Blendi Fevziut dhe Hashim Thaçit në emision e sotëm “Opinion” me titull anti-NATO dhe pro-Millosheviç

23 Mars 2015, 22:10, Aktualitet CNA

Kastriot MYFTARAJ

Titulli i emisionit të sotëm ?Opinion? të Fevziut në Tv Klan, ku i ftuari i vetëm është zëvendëskryeministri dhe Ministri i Punëve të Jashtme të Kosovës, Hashim Thaçi është ?Kosova 16 vjet pas bombardimeve?. A thua se fushata ushtarake ajrore e NATO-s u bë kundër Kosovës dhe jo kundër Serbisë, përkatësisht Jugosllavisë, siç quhej në atë kohë ende shteti i mbetur nga shpërbërja e federatës jugosllave. Në shënjestër të fushatës ajrore të NATO-s kanë qenë objektivat apo caqet serbe dhe goditjet më së shumti u bënë në territorin e Serbisë, jo në Kosovë. Titulli është shumë problematik dhe nuk është një lapsus i Fevziut. Titulli që i ka vendosur Fevziu emisionit është pjesë e një fushate djallëzore për të tjetërsuar të vërtetat historike. Ky titull është në logjikën e propagandës serbe që të nesërmen e nisjes së bombardimeve, me synim për të fshehur të vërtetën e spastrimit etnik të Kosovës të ndërmarrë nga serbët ndaj banorëve të saj autoktonë shqiptarë. Blendi Fevziu dhe Hashim Thaçi e dinë se qëndrimi zyrtar i Serbisë ishte se shqiptarët e Kosovës u larguan masivisht për shkak të bombardimeve të NATO-s, jo për shkak të veprimeve të Ushtrisë, Policisë Serbe dhe të paramilitarëve të Serbisë.

Titulli më i saktë i emisionit do të ishte ?Kosova 16 vjet pas nisjes së bombardimeve për çlirimin e saj?. Por Fevziu nuk mund ta vendoste këtë titull se ai është stërnipi i Esat Toptanit dhe vazhdon traditën familjare serbofile, të cilën e ka ndjekur edhe gjyshi i tij. Është një turp i madh për Hashim Thaçin që pranon të marrë pjesë në një emision me këtë titull. Nuk mund të mos bëhet pyetja se përse Hashim Thaçi pranon të marrë pjesë në një emision televiziv me këtë titull, që fajëson NATO-n për spastrimin etnik të Kosovë?
Disa gjëra nuk mund të mbulohen me fjalë. I tillë është dhe qëndrimi i sotëm i përbashkët i Fevziut dhe Thaçit në emision. Ky është një qëndrim praktikisht i llojit të atyre njerëzve që në gjuhën e inteligjencës (shërbimeve të fshehta) quhen agjentë influencues, pra që përdoren për të influencuar në vendet e tyre, në interes të vendit të cilit i shërbejnë si agjentë. Serbia nuk kërkon nga agjentët e saj influentë shqiptarë në Kosovë dhe Shqipëri që të thonë ?Spastrimin etnik të shqiptarëve të Kosovës e shkaktuan bombardimet e NATO-s?. Serbia kërkon që kjo gjë të thuhet tërthorazi me tituj të tillë emisionesh, ku i ftuar i vetëm është ?çlirimtari? i Kosovës Hashim Thaçi.

Unë besoj se askush në Shqipëri dhe Kosovë nuk e mohon që Serbia ka agjentë të llojit influentë në Shqipëri dhe në Kosovë. Dhe nëse ka ndonjë rast kur këta agjentë influentë vetëzbulohen me sjelljen e tyre, ky është rasti i Fevziut dhe Thacit në emisionin e sotëm ?Opinion? në Tv Klan. Nëse çka thashë më lart unë shpërfillet si teori konspiracioni (ja një tjetër teori konspiracioni e Kastriot Myftarajt), atëherë çka të bëjmë me faktet e përmendura më lart? Se faktet e mësipërme nuk i kam shpikur unë dhe ekzistenca e fakteve është një gjë shumë shqetësuese. Dihet se është qëndrimi normal i agjentëve influentë në nivele të larta mediale dhe shtetërore që të heshtin kur denoncohet loja e tyre e fshehtë. Nëse Thaçit i ka ngritur një kurth në emision Fevziu dhe ai nuk e ka ?kuptuar?, atëherë duhet të ketë një reagim zyrtar nga Thaçi për këtë gjë.