E fundit!

14:36 Aktualitet

Rama para samitit BE-Ballkani Perëndimor: Tri gjëra nuk parashikohen, Zoti, seksi dhe BE-ja

Kryeministri Edi Rama ka komentuar procesin e integrimit t...

Ardian Turku përballë Qazim Sejdinit për Bashkinë e Elbasanit

24 Mars 2015, 14:00, Aktualitet CNA

Burime zyrtare për CityFm.al, bëjnë me dije se kandidatë për Bashkinë e Elbasanit, nga Partia Demokratike është Ardian Turku, kandidati i preferuar i kreut të PD-së, Lulzim Basha dhe i opozitës.

Përballë Turkut, në zgjedhjet elektorale të 21 Qershorit për bashkinë e Elbasanit pritet të jetë kryebashkiaku aktual nga rradhët e Partisë Socialiste, Qazim Sejdini.

Në fakt, për bashkinë e Elbasanit u përfol edhe deputetja e Partisë Socialiste, Evis Kushi , një nga miket e afërta të kryeministrit Rama.

Duket se Qazim Sejdini, dhe kryebashkiaku i Durrësit, Vangjush Dako janë dy emrat e vetëm që do të rikandidojnë në zgjedhjet vendore të 21 Qershorit.

Kush janë dy kandidatët për Bashkinë e Elbasanit

Ardian Turku është diplomuar për Fizikë në Fakultetin e Shkencave të Natyrës të Universitetit të Tiranës në vitin 1979. Në vitet 1982-1983 është specializuar për pedagogji dhe psikologji. Nga viti 1992 deri në vitin 1997 ka dhënë mësim si pedagog në Departamentin e Psikologjisë dhe Edukimit në Universitetin “Aleksandër Xhuvani” Elbasan. Në vitin 1997 merr titullin Doktor i Shkencave.

Veprimtaria profesionale:

1978-1982: Mësues i lëndëve Matematik-Fizikë në shkollën 8- vjeçare Shëmhill.

1983-1986: Zëvendësdrejtor i shkollës së mesme të përgjithshme “Dhaskal Todri” Elbasan.

1986-1988: Përgjegjës i Departamentit të Psikologjisë dhe Pedagogjisë së ILP “A Xhuvani”.

1988-1991: Përgjegjës i sektorit të Arsimit dhe Kulturës të Komitetit Ekzekutiv të Këshillit Popullor të Rrethit Elbasan.

1992-1997: Pedagog Departamenti i Psikologjisë dhe Edumit,Universiteti ?A Xhuvani?.

1997-2000: Zëvendësrektor i Universitetit ?A Xhuvani?.

2000-2003: Përgjegjës i sektorit të Psikologjisë Universiteti “A. Xhuvani” njëkohësisht Pedagog i Jashtëm në Universitetin e Tetovës.

Në periudhën nga viti 2003 deri në vitin 2007 ka qënë kryetar i Bashkisë së Elbasanit.

Gjatë karrierës së tij politike, Turku ka qënë zëvendëskryetar i Kuvendit të Shqipërisë.

Ardian Turku ka mbajtur postin e ministrit të Turizmit, Kulturës, Rinisë dhe Sporteve në vitin 2009.

Turku ka botuar disa libra ne periodikun shkencor si:

Botime tekstesh dhe manualesh Universitare

Aktualisht, ArdianTurku është deputet i Partisë Demokratike në Kuvendin e Shqipërisë.

Qazim Sejdini ka mbaruar studimet në Universitetin Luigj Gurakuqi të Shkodrës, në degën e Edukimit Fizik.

Më pas vazhdoi studimet e larta në Universitetin Aleksandër Xhuvani të Elbasanit, në degën Histori-Gjeografi.

Ndërsa në vitet 1983-1987, ai ndoqi studimet në Institutin e edukimit fizik Vojo Kushi në Tiranë.

Në 1995 Sejdini u zgjodh President i Dhomës së Tregëtisë dhe Industrisë së Elbasanit.

Një vit më vonë ai u zgjodh President i Shoqatës së Doganierëve të Shqipërisë dhe nga maji i 2002 deri në maj 2004, ai ishte President i Unionit të Dhomave të Tregëtisë dhe Industrisë së Shqipërisë.

Aktualisht, Qazim Sejdini është kryetar i Bashkisë së Elbasanit.