web counter
LEXO PA REKLAMA!

SHKARKO APP

App Store
Google Play

Gjosha: Bashkëpunim nga institucionet shqiptare për procesin e integrimit

20 Mars 2015, 21:11, Politikë CNA

Ministrja e Integrimit Europian, Klajda Gjosha mori pjesë sot në Komitetin e Stabilizim Asociimit BE-Shqipëri, takimi i gjashtë. Në këtë takim që u zhvillua në Bruksel, përfaqësuesit e 35 institucioneve shqiptare raportuan për ecurinë e reformave në vend.

Ministrja Gjosha, raportoi për masat që janë ndërmarrë në lidhje me 5 prioritetet që Shqipërisë i janë lënë nga Komisioni Europian. Në mënyrë të detajuar për secilin prej këtyre prioriteteve raportuan gjithashtu përfaqësuesit e Ministrive të linjës.

Ministrja u ndal edhe tek reformat në fushën ekonomike, ku theksoi se Shqipëria tashmë ka përgatitur Programin Kombëtar të reformës ekonomike i cili përmbledh zhvillimet kryesore ekonomike dhe thekson prespektivat afatmesme në këtë fushë. Ministrja e Integrimit Europian, nënvizoi rëndësinë që po i jepet qasjes së re sektoriale që po aplikon Shqipëria në ldhje me fondet IPA.

?Në pozitën e Koordinatorit kombëtar të IPA-s, Ministria e Integrimit Evropian po merr të gjitha masat e nevojshme për të përmirësuar menaxhimin e asistencës së BE-së me perspektivën e re financiare në mënyrë që të rrisë aftësitë përthithëse të vendit?, tha Ministrja Gjosha. Duke theksuar angazhimin e qeverisë shqiptare për të ndërmarrë të gjitha reformat e nevojshme për procesin e integrimit, Ministrja Gjosha ritheksoi se institucionet kanë vullnetin maksimal që punojnë bashkë për këtë prioritet madhor të vendit. ?Ky bashkëpunim do të intensifikohet edhe më tepër, në mënyrë që hapja e negociatave,sfida e rradhës për Shqipërinë, të jetë një realitet prekshëm brenda një kohë të shkurtër?, tha Ministrja Gjosha.





Lajmet e fundit nga