web counter
LEXO PA REKLAMA!

SHKARKO APP

E fundit!

x

Elbasan/ Vidhte klientët, arrestohet punonjësa e Bankës

20 Mars 2015, 17:41, Aktualitet CNA

Policia e Elbasanit ka arrestuar shtetasen, Alketa Selimaj, me detyrë oficere kredie pranë një banke të nivelit të dytë pasi akuzohet për veprat penale ? vjedhje duke shpërdoruar detyrën?, ? vjedhje e bankave dhe arkave të kursimit?, si edhe  ?falsifikim dokumentesh?.

Burime të policisë bëjnë të ditur se 30-vjeçarja Alketa Selimaj, dyshohet se nëpërmjet shpërdorimit të detyrës ka vjedhur një shumë prej 2.8 milionë lekësh klientëve të bankës duke falsifikuar dokumentet e tyre.

Mësohet se ajo falsifikonte dokumentet duke përfituar nëpërmjet kredisë që klientët aplikonin në këtë bankë, emri i të cilës nuk bëhet e ditur.

Shkak i arrestimit të saj është bërë denoncimi i një prej klientëve, i cili kishte vënë re se të dhënat e aplikimit të kredisë së tij nuk korrespondonin me dokumentin që ai dispononte. Sektori kundër krimit hetoi  menjëherë këtë çështje dhe arrestoi punonjësen e Bankës.





Lajmet e fundit nga