web counter
LEXO PA REKLAMA!

SHKARKO APP

App Store
Google Play

E fundit!

x

Prokuroria kërkesë Kuvendit: Të arrestohen Tom Doshi e Mark Frroku

20 Mars 2015, 13:09, Aktualitet CNA

Prokuroria e Përgjithshme i kërkoi Kuvendit të Shqipërisë autorizimin për arrestimin e deputetëve Tom Doshi dhe Mark Frroku.

Prokuroria bëri këtë kërkesë, pasi  dy deputetët janë të dyshuar për konsumimin e elementëve të veprave penale: ?Kallëzimi i rremë?, ?Kanosje për deklarime a dëshmi, ekspertim ose përkthim të rremë?, dhe ?Deklaratë e rreme përpara Prokurorit?,  parashikuar nga neni 305, 312/a dhe 305/a të Kodit Penal.

?Në kërkesën që Prokurori i Përgjithshëm, Adriatik Llalla, i ka dërguar Kuvendit të Shqipërisë, sqarohen argumentat kundër dy deputetëve. Sipas kërkesës, Prokuroria për Krime të Rënda, më datë 03.03.2015, ka regjistruar kryesisht procedimin penal për veprën ?Vrasja e funksionareve publike? mbetur në tentativë, të parashikuar nga neni 79/a ? 22 i Kodit Penal, në bazë të deklarimeve të deputetit Tom Doshi, i cili ka deklaruar publikisht se ai dispononte prova, sipas të cilave, Kryetari i Kuvendit të Shqipërisë, Ilir Meta, kishte paguar vrasës me pagesë për të eleminuar fizikisht atë dhe një deputet tjetër. Në të njëjtën ditë, Policia Gjyqësore pranë Drejtorisë së Përgjithshme të Policisë së Shtetit ka referuar materialet në ngarkim të shtetasit Durim Bami, i dyshuar për kryerjen e kësaj vepre penale?, thuhet në njoftimin zyrtar të Prokurorisë së Përgjithshme .

Nga tërësia e veprimeve hetimore, –  thuhet më tej në njoftim – kriijohen dyshime të arsyeshme se ngjarja e kallëzuar publikisht nga ana e deputetit Doshit, dhe e pohuar prej tij para organit procedues, ka qenë e sajuar. Në asnjërën prej provave të grumbulluara deri në këtë fazë të hetimeve, nuk rezultoi ndonjë e dhënë konkrete dhe e besueshme për organizimin e vrasjes së Tom Doshit, e mbetur në tentative.

?Prokuroria për Krime të Rënda, pasi ka arritur në konkluzionin se ngjarja është inskenuar nga ana e shtetasve Tom Doshi dhe Mark Frroku, ia ka kaluar hetimin për kompetencë Prokurorisë së Përgjithshme, e cila ka tagrin ligjor për hetimin e zyrtarëve me funksion ?deputet?. Në analizën që i është bërë materialit hetimor pranë Prokurorisë së Përgjithshme, është konkluduar se dy deputetët dyshohet se kanë konsumuar elementët e veprave penale: ?Kallëzimi i rremë?, ?Kanosja për deklarime a dëshmi, ekspertim ose përkthim të rremë?, dhe  ?Deklaratat e rreme përpara Prokurorit?, përfundon njoftimi zyrtar i Prokurorisë së Përgjithshme.





Lajmet e fundit nga