web counter
LEXO PA REKLAMA!

SHKARKO APP

App Store
Google Play

E fundit!

x

Albana Dhimitri, preferenca e Ramës për Tiranën?

19 Mars 2015, 14:01, Aktualitet CNA

Janë të shumtë emrat e përfolur si kandidatë të së majtës për Bashkinë e Tiranës, por ditët e fundit në skenë ka dalë edhe emri i Albana Dhimitrit, ish nënkryetarja e Bashkisë së Tiranës.  Një kandidaturë që ka mbështetjen e plotë të kryeministrit Rama.

Kontributi i saj njihet edhe në në realizimin dhe zbatimin e reformës administrative.

Një tjetër arsye e këtij kandidimi është se zonja Dhimitri ka edhe mbështetjen e amerikanëve pasi ata kanë asistuar qeverinë në reformën territoriale dhe kanë qenë dëshmitarë të punës së mirë të zonjës Dhimitri.

Ish-nënkryetarja e Bashkisë së Tiranës ka mbaruar studimet në Fakultetin e Ekonomisë në kryeqytet, dhe më vonë ka marrë gradën master për ?Administrim Publik?.

Studime të cilat pasohen nga disa trajnime, në Beligjikë, Finlandë, Holllandë, Hungari, Republika Ceka, Rumani dhe Sllovaki, ku në fokus ishte tema e antarësimit të vendeve ballkanike në Evropë.

Gjatë karrierës së saj politike, Dhimitri mban disa poste të rëndësishmë, ku gjatë vitit 1995-1997 ka qenë shefe e Pushtetit Lokal e Sektorit të Kredisë tek ministria e Brendshme.

Gjatë 5 viteve të fundit ajo ka ofruar  asistencë teknike për Grupin e Ekspertëve për Decentralizimin në Komitetin Ndërministror për Decentralizim si dhe hartimin e Strategjisë Kombëtare të Decentralizimit.





Lajmet e fundit nga