web counter
LEXO PA REKLAMA!

SHKARKO APP

E fundit!

x

Samiti i Energjisë/ Ahmetaj: Reformat synojnë rritjen e kapaciteteve prodhuese

18 Mars 2015, 12:07, Aktualitet CNA

Ministri i Zhvillimit Ekonomik, Turizmit, Tregtisë dhe Sipërmarrjes Arben Ahmetaj, u shpreh sot se reformat që po ndërmerr qeveria në sektorin e energjisë kanë dhënë impakt pozitiv në treguesit e ekonomisë, ndërsa ato synojnë rritjen e kapaciteteve prodhuese në vend dhe uljen e importit energjetik.

I pranishëm në panelin e diskutimeve, në ditën e dytë të punimeve të samitit për energjinë, naftën dhe gazin ??Albania Oil, Gas e Energy 2015?, që po zhvillohet në ambientet e Hotel Sheraton në Tiranë, ministri Ahmetaj u shpreh në fjalën e tij se, Shqipëria synon që brenda 10-15 viteve të mos blejë apo importojë më energji, por ta prodhojë vetë atë.

Ai theksoi rëndësinë e menaxhimit të resurseve dhe potencialeve që ka vendi ynë, ndërsa nënvizoi rëndësinë e projektit TAP, jo vetëm për vendin tonë, por për të gjithë rajonin. Sipas tij, në këtë mënyrë do të rriteshin kapacitetet prodhuese të energjisë në vendin tonë si dhe paratë do të mbeteshin në Shqipëri dhe do të shkonin për qytetarët.

Samiti për energjinë po vijon punimet me diskutimet e ekspertëve dhe përfaqësuesve të ndryshëm të linjës.





Lajmet e fundit nga