web counter
LEXO PA REKLAMA!

SHKARKO APP

App Store
Google Play

E fundit!

x

Qeveria zvicerane 6.6 milionë euro për zhvillimin e infrastrukturës së gazit në Shqipëri

18 Mars 2015, 21:19, Politikë CNA

Qeveria zvicerane përmes sekretariatit të shtetit për çështjet ekonomike SECO, i ofron Shqipërisë një grant prej 6.6 milionë euro për zgjerimin dhe zhvillimin e infrastrukturës së gazit. Për të konkretizuar këtë, në Tiranë u nënshkrua të mërkurën marrëveshja nga Ambasadorja e SECO-s, Beatrice Maser, ministri i Energjisë dhe Industrisë, Damian Gjiknuri dhe ai i Financave, Shkëlqim Cani.

Ministri i Energjisë dhe Industrisë Damian Gjiknuri Ministri i Energjisë dhe Industrisë, Damian Gjiknuri e konsideroi grantin e dhënë nga qeveria zvicerane si mjaft të rëndësishëm për ndërtimin e kapaciteteve të brendshme për shpërndarjen e gazit në vend. ?Asistenca e qeverisë zvicerane nëpërmjet kësaj marrëveshje bën të mundur që përdorimi i gazit të jetë një realitet në Shqipëri?, tha Gjiknuri.

Ai shprehu gatishmërinë për të rritur bashkëpunimin me qeverinë zvicerane në fushën e energjisë, konkretisht për efiçencën energjitike. Ndërkohë ambasadorja zvicerane, Beatrice Maser theksoi se qeveria e Zvicres do të mbështese qeverinë shqiptare edhe në fusha të tjera.

Por theksoi ajo, duhet bërë më shumë në drejtim të përmirësimit të kuadrit ligjor, që sipas saj është edhe një ndër 5 rekomandimet e progres raportit për Shqipërinë. Ministri i Financave Shkëlqim Cani, në fjalën e tij vuri në dukje se financimi prej 6.6 milionë eurosh përmes grandit të qeverisë zvicerane do të ndihmojë Shqipërinë në zgjerimin e përdorimit të gazit në vend. Krahas kësaj marrëveshjeje, SECO ka kontribuar në Shqipëri edhe në një sërë projektesh të tjera, në vlerë prej mbi 77 milionë euro, përfituese e një pjese të të cilave është edhe Ministria e Financave.





Lajmet e fundit nga