web counter
LEXO PA REKLAMA!

SHKARKO APP

App Store
Google Play

E fundit!

x

Gjergj Bojaxhi në garë për Bashkinë e Tiranës

18 Mars 2015, 19:35, Politikë CNA

Ish zv/Ministri i Ekonomisë Gjergj Bojaxhi pritet të jetë në rradhët e kandidatëve për kreun e Bashkisë së Tiranës në zgjedhjet e 21 Qershorit. Burimet thanë  për www.sahati.al se Bojaxhi do të shpallë javën e ardhshme kandidaturën e tij si i pavaruar në garën për kryeqytetin. Ish anëtari i këshillit bashkiak në Tiranë që tashmë synon të bëhet kreu i bashkisë më të madhe në vend,ka jo pak shanse për të fituar. Kjo pasi sondazhet paraprake që janë realizuar për zgjedhjet vendore, tregojnë se një kandidat i pavarur siç është në këtë rast Bojaxhi, do të mund të rezultonte fitues. Kështu një sondazh i realizuar nga IDRA për llogari të Zyrës së OKB-së në Tiranën  tregon se një kandidati i pavarur mund të marrë 1/3 e votave të kryeqytetasve. Ndërsa në rang vendi rezulton se vetëm 1.45 milion zgjedhës janë gati të votojnë për një kandidat të dy koalicioneve kryesore, nga 1.75 milion që morën pjesë në zgjedhjet e 21 qershorit.

Gjergji Bojaxhi ka patur një karrierë të larmishme. Ai ka qenë zv/Ministër i Ekonomisë, drejtor i KESH dhe anëtar i Këshillit Bashkiak për Tiranë. Bojaxhi mban gradën master për ekonominë ndëkombëtare dhe ka punuar në disa nga institucionet më të rëndësishme në Uashington, si konsulent në Bankën Botërore.





Lajmet e fundit nga