web counter
LEXO PA REKLAMA!

SHKARKO APP

App Store
Google Play

E fundit!

x

Athina sfidon Brukselin, parlamenti miraton masat sociale

18 Mars 2015, 19:15, Aktualitet CNA

Parlamenti grek miratoi një paketë masash sociale, pavarësisht paralajmërimeve të Komisionit Europian kundër veprimeve të njëanshme.
Në parlament, kryeministri grek Aleksis Cipras mbrojti atë që e cilësoi ?ligj të krizës humanitare?. Ligji, I pari I miratuar që prej kur partia e radikalëve të majtë të Cipras mori pushtetin në zgjedhjet e janarit, ofron paketa ushqimore dhe elektricitet pa pagesë për më të varfrit.

Vlera totale e mbështetjes ekonomike shkon në rreth 200 milionë euro. Bëhet fjalë për një masë kundër masave të kursimit që Cipras kishte premtuar përpara fitores së zgjedhjeve.

Në një fjalim 30 minutësh në parlament, ai mbrojti ligjin e ri të cilin e përshkroi si dokumentin e parë në pesë vjet që hartohet vërtet në Athinë e jo nën urdhërat e teknokratëve të BE-së.

Ai kritikoi gjithashtu edhe një letër të nxjerrë nga zyrtarët europianë, ku Greqia këshillohet të konsultohet me kreditorët ndërkombëtarë përpara se të vijojë përpara me miratimin e ligjit social.
?Ata po e bëjnë këtë për të na frikësuar, përgjigja është: ne nuk do të frikësohemi?, I tha Cipras parlamentit. ?Çfarë tjetër mund të thuhet ndaj atyre që kanë kurajon të thonë se menaxhimi I krizës humanitare është një veprim I njëanshëm??, theksoi Cipras.

Ligji I ri dhe fjalimi sfidues I Cipras, vijnë në prag të një takimi me Angela Merkel dhe Francois Hollande në anekset e samitit të BE-së në Bruksel këtë javë.

Greqia është ende në konflikt me kreditorët ndërkombëtarë rreth kushteve të zgjatjes së paketës së shpëtimit financiar, pasi eurozona kërkon që Athina të angazhohet në shkurtime shpenzimesh për të lëvruar këstet e radhës.

Marrëdhëniet mes Brukselit dhe Athinës janë ?thartësuar? në mënyrë dramatike.





Lajmet e fundit nga