web counter
LEXO PA REKLAMA!

SHKARKO APP

App Store
Google Play

PD: Kemi fakte që implikojnë Metën në vrasje

15 Mars 2015, 11:11, Politikë CNA

Bashkim Shehu, Kreu i Departamentit të Sigurisë në Partinë Demokratike ka deklaruar se PD disponon dokumente që implikojnë Kryetarin e Kuvendit Meta në atentatin ndaj deputetëve Tom Doshi dhe Mhill Fufi. Shehu shtoi se nuk mund të ketë hetim të besueshëm të cështjes më të rëndë të 25 viteve të fundit për sa kohë pushteti po ushtron presion ndaj Prokurorisë.

Kreu i Departamentit të Sigurisë ngriti pyetjen se si ka dalë nga Aeroporti i Rinasit ?Toni i Kombinatit? ndërkohë që ai ishte i shpallur në kërkim nga policia. Ai shtoi se ?Toni i Kombinatit? ka luajtur rolin e ndërmjetësit në gjithë këtë histori.

“Policia vetë e ka konfirmuar me anë të këtij dokumenti, që Toni i Kombinatit, është përfshirë në këtë skenar të eleminimit të dy deputetëve, pasi e ka shpallur në kërkim me datën 8 shtator të vitit 2014, për akuzën e ?vrasjes me paramendim të kryer në bashkëpunim e mbetur në tentativë?. u shpreh Shehu.

@Që Toni i Kombinatit është mik dhe klient i dyshes Meta-Rama, e tregon fakti se pikërisht, ditën që është nxjerrë për të urdhëri i kërkimit, ai ka kaluar lehtësisht përmes Rinasit dhe është zhdukur drejt Gjermanisë. Një lëvizje e qartë për pengim të hetimit, dhe fshehje të krimit.

Por Ilir Meta i ka mbajtur kontaktet me të, pasi dërgoi Spartak Brahon, për ta sjellë në Shqipëri, dhe për ta vënë në shërbim të alibisë së tij, në shërbim të fabrikimit dhe manipulimit të çështjes. Në shërbim të pengimit të drejtësisë dhe fshejes së krimit.

Në këmbim të dëshmisë së tij pro-Metës, tonit i janë afruar garancitë e nevojshme, dhe sot është i lirë edhe pse kërkohet për vrasje me paramendim të kryer në bashkëpunim e mbetur në tentativë.” vijoi me tej ai.

 





Lajmet e fundit nga