web counter
LEXO PA REKLAMA!

SHKARKO APP

Basha: Strategji protestash të vazhdueshme deri në largimin e Metës

13 Mars 2015, 19:28, Politikë CNA

Kreu i Partisë Demokratike, Lulzim Basha deklaroi se në vazhdim do të ketë protesta deri në largimin e Kreu të Kuvendit Ilir Meta. Ai tha se objektivi i PD-së është të kemi një hetim gjithëpërfshirës, të plotë, të besueshëm dhe të pavarur lidhur me çështjen “Doshi”, si dhe forcim të kapaciteteve hetuese për zbardhjen e plotë të akuzave.

?Kërkesa jonë e dytë është që të ketë seriozitet në procesin e dekriminalizimit. Ky proces nuk mund të bëhet kur Kryeministri dikton se si duhet të jetë hetimi, ndërkohë ministri I Brendshëm eshte në akuzë se ka folur me vrasesin e komanduar. Shqipëria nuk ka të ardhme pa trajtuar kriminalizimin e shtetit.? u shpreh Basha.

Në një deklaratë për mediat pasi përfundoi mbledhjen me aktivin e PD-së, Basha shtoi se Prokurorisë po i bëhet një presion i hapur për mbylljen e çështjes sa më shpejt.

I pyetur nga gazetarët në lidhje me deklaratat e tij të mëparshme se qeveria Rama-Meta duhet rrëzuar dhe nëse këto deklarata nënkuptonin mundësinë e zgjedhjeve të parakohëshme, Basha tha:

?Asgjë nuk mund të përjashtohet. Shqiptarët kërkojnë një rrugëdalje nga kjo situatë. Jemi në një vend ku nuk ku ka siguri, ku numri i shperthimeve të tritolit është dyfishuar, ministrant drekojnë me kriminelët.?

 

 





Lajmet e fundit nga