web counter
LEXO PA REKLAMA!

SHKARKO APP

App Store
Google Play

E fundit!

x

Duka: Mendoj se do jem unë kandidati zyrtar i PR-së në Durrës

9 Mars 2015, 19:41, Politikë CNA

Deputeti i Partisë Republikane, Agron Duka ka pohuar se mund të jetë kandidat zyrtar për Bashkinë e Durrësit. Duka tha se brenda muajit do të dalë edhe kandidatura e opozitës duke shprehur optimizmin për fitoren e së djathtës pas 4 mandateve të të majtëve.

?Jam një nga emrat e përfolur si kandidat në Durrës. Kushdo që të dalë si kandidaturë do të mbështetet nga opozita. Mundësitë e fitores pas 4 mandatesh të së majtës në Durrës, janë reale. Besoj se brenda këtij muaji do të kemi një kandidaturë zyrtare. Mendoj se do jem unë kandidati zyrtar i PR-së?, tha Duka.

?E djathta do të dalë me një program bazë, që tashmë ka filluar nga forcat opozitare sidomos nga PD-ja. Programi po hartohet nga specialistë të fushave të ndryshme.

Por do ketë edhe një frymë individuale të vetë kandidatit. Si qytetar, një nga problematikat kryesore është turizmi. Nuk mund të pretendojmë një turizëm elitar. Do tentohet që të integrohet. Unë gjykoj që plazhi i Durrësit duhet disiplinuar. Durrësi është një qytet me vlera arkeologjike. Ndarja e re bashkon edhe zonat rurale të Durrësit. Duhet bërë shumë edhe për zhvillimin bujqësor. Problematikat janë të shumta në zonën tonë, po një ndër tyre kullimi?, tha ai në një intervistë për News 24.

 





Lajmet e fundit nga