Rama në Opinion: Akuzat e Doshit, problem moskallëzimi

5 Mars 2015, 20:03, Politikë CNA

Kryeministri Edi Rama ka deklaruar se kërcënimin ndaj Tom Doshit e ka marrë vesh nga vetë deputeti, i cili i ka shprehur komplotin e organizuar ndaj tij. “E kemi ndjekur këtë çështje hap pas hapi së bashku me kreun e Kuvendit, ministrin e Brendshëm dhe Kryeprokurorin Llalla.” u shpreh Rama në emisionin Opinion. “Problemi në rastin “Doshi” ishte se nuk kishte një kallëzim” shtoi Kryeministri Rama.

Ai u shpreh që e gjithë kjo situatë e krijuar është një inskenim dhe një aktrim, qëllimi i të cilit nuk dihet. I pyetur nga Fevziu, Rama ka deklaruar se Policia e ka hetuar gjithë këtë ngjarje në detaje dhe ka rezultuar se ishte një farsë. ” Se kush ishte i interesuar për këtë farsë, u pa sot në Parlament”.

“Tom Doshi u përjashtua nga Grupi Parlamentar i Partisë Socialiste sepse Doshi mbajti qëndrime në shkelje të kontratës së bashkëjetesës. Nuk mund të mbajmë deputetë që i shpallin luftë Qeverisë. Arsyeja është se e lamë të liri deputetin të vërtetojë akuzat e ngritura në rrugë ligjore.” shton kryeministri Rama.

I pyetur nga gazetari Fevziu se cili ishte roli i Doshit në ngjarjen e 21 Janarit , ai u përgjigj se është fakti që dihet publikisht, pasi Doshi ka dëshmuar në Prokurori lidhur me këtë ngjarje.

Për sa i përket deklaratave të ndryshme se Tom Doshi është sponsor i PS, Rama u shpreh se nuk komenton deklaratat e ‘sorrës’ së Aleancës Kuq e Zi, duke nënkuptuar Kreshnik Spahiun.

Ndërkohë lideri i mazhorancës ka refuzuar t’i përgjigjet disa pyetjeve, si për shembull mbi çështjet e lidhura me emërimet në administratë, ligjin e dekriminalizimit dhe konfliktin e deputetëve Genti Strazimiri dhe Arben Ndoka.

Ndërsa për ngjarjet e fundit të shpërthimeve me tritol, Kryeministri Rama u shpreh se, ?faktet thonë që gjatë vitit 2013 kemi pasur 85 ngjarje me eksploziv, ndësrsa në vitin 2014kemi pasur 75 ngjarje me eksploziv?. Ndërsa shtoi Rama, ?gjatë këtij viti kemi një ulje të vrasjeve?.

?I them shqiptarëve me përgjegjësi të plotë se Policia e Shtetit, që kishte ikur në drejtim të paditur është sot një polici në shërbim të plotë?, tha Kryeminsitri, duke shtuar se ka sigurisht vend për përmirësim.

Për sa i përket deklaratave të Presidentit Nishani se Kryeministri Rama e ka sulmuar përmes një telefonate, ai është shprehur se nuk e ka bërë këtë gjë, pasi ka respekt për institucionin e Presidentit.