web counter
LEXO PA REKLAMA!

SHKARKO APP

App Store
Google Play

Gazrat e makinave me naftë, vdekjeprurëse

1 Mars 2015, 14:30, Lifestyle CNA

Gazrat lëshuar prej  makinave me naftë, rezultojnë si një prej shkaqeve kryesore të shtimit të vdekjeve nga kanceri i mushkërive.  Në këtë përfundim ka mbërritur Agjensia Ndërkombëtare për kërkime mbi kancerin (IARC) në një studim të fundit të saj, ku thekson se shkarkimet e naftës, janë tashmë pjesë e po të njëjtit grup kanceroz.

Sipas drejtorit të  spitalit San Giuseppe të Milanos, Sergio Hararit, rezultatet e fundit të hulumtimit amerikan përforcojnë analizat e mëparshme, që dëshmonin se ndotja prej të tilla gazrave, është edhe shkaku kryesor i sëmundjeve kardiovaskulare dhe respiratore, dhe sidomos i tumoreve në mushkri. Për të mbërritur në këtë përfundim, studiuesit amerikan analizuan të dhënat e marra në mbi 12 mijë minatorë, të cilët përdornin makina të ndryshme me naftë, nga rezultoi  se personat më të ekspozuar ndaj gazrave të këtyre autometjeve, rrezikonin prekjen më të shpejtë prej kancerit të mushkërive.

Në ambientet publike, problematike në këtë drejtim janë sidomos makinat e vjetra, të cilat, për hir të  vjetrimit të teknologjisë së përdorur për filtrimin e elementëve ndotës të makinës, ndosin dhe  rëndojnë edhe më tepër situatën. Evropa në fakt  ka caktuar disa norma që i detyrojnë prodhuesit e automjeteve të prodhojnë pajisje  që e ulin në mënyrë drastike nivelin e ndotjes, por duket se të tilla norma nuk pijnë aspak ujë në kontekstin shqiptar.

Sipas të dhënave marrë prej Automobile Club Albania, në 3 vitet e fundit në Shqipëri, mosha mesatare e mjeteve te importuara është  12-13 vjecare, por nuk mungojnë edhe ato me 15 vite e lart. Mjeteve të tilla u ka kaluar cikli i funksionimit normal, c?ka nënkupton automatikisht mosrespektimin prej tyre të normës së ndotjes Euro 3, ndërkohë që në shtator në Europe hyn në fuqi Euro 6.

E vetmja pyetje që shtrohet në këtë situatë,  është se a rrezikojmë të gjithë kancerin e mushkërive? Nëse gjendja vazhdon të jetë edhe për shumë kohë e tillë, pak po e sigurt, përgjigjja do jetë ?po?.





Lajmet e fundit nga