Shmangeni grimin e tepërt

28 Shkurt 2015, 11:00, Lifestyle CNA

Lëkura është më vitale dhe më e bukur nëse ju vazhdimisht kujdeseni për të në mënyrë të rregullt, sidomos gjatë grimit. Por, kjo nënkupton edhe shmangien e grimit të tepërt e cila jo vetëm që ndikon negativisht në bukurinë e lëkurës, por në të njëjtën kohë ju bënë të dukeni më të vjetra. Në vazhdim do të paraqesim disa këshilla, të cilat do t?ju ndihmojnë rreth grimit të përshtatshëm.

Pa grim të rëndë

Grimi nuk duhet të jetë i rëndë, për këtë harroje ?total make up?-in! Lëkura është shumë e ndjeshme dhe mund të preket nga sëmundje të ndryshme, andaj është shumë e rëndësishme të shmangni shtresat e trasha të pudrës dhe rregullisht të pastroni lëkurën para gjumit. Në lëkurën e papastër asnjë grim nuk duket mirë, ndërsa me pastrimet e shpeshta investoni në bukurinë dhe vitalitetin e lëkurës suaj, e cila do të duket kështu e bukur edhe në të ardhmen.

Pudra në gurë

Pudrën e lëngshme menjëherë largojeni nga përdorimi. Pudra në gurë është gjithmonë zgjedhje më e mirë, ndërsa në shitoret që merren me shitjen e grimit mund të gjeni edhe pudrën, e cila ndihmon në luftë kundër baktereve, ndërsa është e dedikuar pikërisht femrat që kanë lëkurë më të ndjeshme.

Make-up i lehtë për sy

Zgjidhni hijet me nuanca të ndritshme pasi që ato e vënë në pah bukurinë tuaj dhe në të njëjtën kohën dukeni më mirë sesa me make up-in me nuanca të errëta, i cili bënë të dukeni edhe më të vjetra. Përveç grimit adekuat në qepallën e lartë mund të bëni edhe një vijë me laps me ngjyrë të kaltër, ngjyrë vjollcë apo të gjelbër. Maskarën vendoseni në shtresë të hollë që nga rrënjët e qepallave. Maskara e tepërt do të bëjë të ngjiten qepallat tuaj dhe do të dukeni shumë keq, shkruan zeri.info

Buzët me ngjyra natyrale

Buzët do të duken më natyrale nëse në vend të buzëkuqit të rëndë të vendosni vetëm shkëlqim apo balsam. Buzëkuqi i rëndë as në manifestimet familjare e shoqërore nuk përshtatet me moshën tuaj dhe duket shumë ?sulmues? dhe i pahijshëm, andaj gjithmonë le të jenë buzët tuaja natyrale.

Kujdesi gjatë dimrit për fytyrën

Për të ruajtur ekuilibrin e duhur dhe shëndetin e fytyrës suaj duhet të përdorni zbutës, njomës të posaçëm për lëkurën. Pastrimi dhe njomja janë rrugët e shkëlqimit të fytyrës në një kohë kur temperaturat ulen. Ja rrugët e njomjes së lëkurës: Uji: është rruga e parë e parandalimit të tharjes së lëkurës në ditë të ftohta duke mundësuar njomësinë dhe ushqyerjen e saj. Qëndroni larg marrjes së tepërt të kafeinës dhe konsumoni shumë lëngje. Pini të paktën 6-8 gota ujë në ditë. Heqja e qelizave të vdekura: fërkoni fytyrën me përbërje të posaçme pastrimi një herë në javë para dushit.