web counter
LEXO PA REKLAMA!

SHKARKO APP

E fundit!

x

Arrestohet 28 vjeçari shqiptar në Rimini, iu gjetën 4 kg kokainë

25 Shkurt 2015, 21:20, Aktualitet CNA

Policia e Riminit në Itali ka arrestuar një shtetas shqiptar 28 vjeç. Atij i janë sekuestruar 4 kilogram kokainë në garazhin e tij dhe 7 pako të mbështetjella me 90 mijë euro, para që policia e Riminit dyshon se janë marrë nga trafiku i drogës. Shqiptari 28 vjeçar ishte me dokumente të rregullta në Itali, e punonte për një firmë ndërtimi. Policia dyshon se ai bënte rolin e korrierit të drogës.

Duket se policia e kishte prej kohësh në survejim shqiptarin përpara se ti vendoste prangat. Pas një varg kurthesh forcat e policisë e ruajtën kur hyri në garazh, raporton Rimini Today, pikërisht në kompaninë e ndërtimit ku ai punonte. Brenda në makinë në pjesën e vendit të pasagjerit i gjendet një qese me 900 gramë kokainë. Por pas kontrollit të imtësishëm në garazh u gjendën edhe tre pako të tjera me nga një kilogramë kokainë.

Në përfundim të operacionit policia sekuestroi 4.165 kilogramë kokainë. Arrestimi i 28 vjeçarit sipas policisë mund të nxjerrë të dhëna të tjera hetimore, nëse vepronte në grup dhe klanin kriminal me të cilin vepronte.





Lajmet e fundit nga