web counter
LEXO PA REKLAMA!

SHKARKO APP

App Store
Google Play

Procesi ndaj Arben Frrokut/ Gjykata nis eksperimentin me makinë

25 Shkurt 2015, 18:03, Aktualitet CNA

Gjykata e Krimeve të Rënda ka nisur rreth orës 18:27 një eksperiment hetimor për llogari të procesit gjyqësor në ngarkim të biznesmenit, Arben Frroku të akuzuar për vrasjen e komisarit Dritan Lamaj, plot 2 vite e 1 ditë më vonë nga ngjarja.
Ky eksperiment i kërkuar nga mbrojtja bëhet për të vërtetuar nëse ndodhej në Elbasan, apo jo Arben Frroku në momentin e vrasjes së komisarit Lamaj, ashtu sic ai pretendon. Frroku këmbëngul se ka filmime që e shfaqin në një karburant në Elbasan në momentin e krimit. Përmes këtij eksperimenti kohor, Gjykata do të masë kohën që i nevojitet një automjeti për të përshkuar aksin Tiranë-Kapshticë. Mësohet se mjeti i eksperimentit do të drejtohet nga shoferi i Gjykatës së Krimeve të Rënda. Nisur nga këto, gjykata do të realizojë këtë eksperiment për të vërtetuar apo hedhur poshtë alibinë e tij.
Por Prokuroria e Krimeve të Rënda e ka bojkotuar këtë eksperiment, me pretendimin se ai nuk po kryhet në të njëjta kushte. Në momentin e nisjes asnjë prokuror nuk ishte i pranishëm. Sipas prokurorëve, mënyra e përcaktuar për kryerjen e eksperimentit nuk do të mundësojë afri të dinamikës së rrugëtimit me atë që ka ndodhur më 23 shkurt të vitit 2013, kur u vra kryekomisari Dritan Lamaj.





Lajmet e fundit nga