web counter
LEXO PA REKLAMA!

SHKARKO APP

App Store
Google Play

E fundit!

x

"Vjosa"/ Nesër seanca e fundit, diskutohen argumentet e Shqipërisë

25 Shkurt 2015, 15:38, Aktualitet CNA

Gjykata Supreme Administrative greke do të dëgjojë për herë të fundit palët ditën e enjte, për tu tërhequr më pas për vendimin, nëse do të rrëzojë ose jo projektin për devijimin e lumit Vjosa. Në mbledhjen e së enjtes gjykata do të marrë edhe pretendimet e fundit që palët kanë për këtë projekt, për të dhënë më pas vendimin përfundimtar në lidhje më këtë çështje të debatueshme.

Argumentet kryesore të palës paditëse 3 bashki greke dhe disa shoqata ambientalistësh, kanë të bëjnë me mos pasojat e rënda që do të ketë flora dhe fauna në këto zona, por edhe mosinformimi i palës shqiptare. Nga ana tjetër avokatët kanë deklaruar se argumenti që pala shqiptare nuk është informuar, nuk qëndron pasi ka pasur informim të Ministrisë së Jashtëm shqiptare në verën e vitit 2013.

Çështja e devijimit të lumit Vjosa, pritet t?i shtohet problemeve të pazgjidhura mes Shqipërisë dhe Greqisë, përveç kufirit detar. Ky projekt që ka marrë edhe aprovimin e 9 ministrive greke, ka shkaktuar reagime të forta si në Greqi edhe në Shqipëri, ku vetëm pak ditë më parë një grup ambientalistësh dhe përfaqësues nga shoqëria civile, kanë protestuar para dyerve të Ministrisë së Jashtme, duke i kërkuar të mos negociojë me palën greke me devijimin e lumit.





Lajmet e fundit nga