web counter
LEXO PA REKLAMA!

SHKARKO APP

App Store
Google Play

E fundit!

x

Henri Çili monopolizon doktoraturat, bllokadë universiteteve të tjera

25 Shkurt 2015, 13:29, Aktualitet CNA

Disa muaj më parë, sipas një raport-kontrolli të Ministrisë së Arsimit, Universiteti Europian i Tiranës, nuk duhej thjeshtë të mbyllej dhe shkrihej si piramidë arsimore, por duhej të shpallej zonë krimi. Shkeljet e universitetit të Henri Çilit, mashtrimet me kriteret, fiktiviteti i programeve, shitjet e diplomave, manipulimet me numrin e pedagogëve etj., gjithmonë sipas vetë Ministrisë së Arsimit, ishin të pafundme. Nëse do të kishte një universitet privat në Shqipëri, që duhej shkrirë i pari me urgjencë, gjithmonë sipas raportit të Ministrisë së Arsimit, duhet të ishte Universiteti Europian i Tiranës. Por, çfarë ka ndodhur? Disa muaj pas raportit të zi, Ministria e Arsimit jo vetëm nuk e shkrim UET, por i jep Henri Çilit 360 doktoratura, pa plotësuar asnjë kriter, asnjë standard dhe asnjë kusht parashikuar në ligje, vendime dhe rregullore. Zhvillimi i programeve të doktoraturës sot janë monopol i Universitetit Europian të Tiranës. Vetëm me një firmë të ministres së Arsimit, Henri Çili futi në gjel plot 2.7 milionë euro, gati sa çmimi i blerjes së Lotarisë Kombëtare. Nuk kemi të bëjmë thjeshtë me një favorizim të paligjshëm të UET, monopolit të doktoraturave sot në Shqipëri. Delfini i Lulzim Bashës dhe i Sali Berishës, Henri Çili ka kapur sot Ministrinë e Arsimit, të cilën e përdor për interesa të mega kioskës universitare. Henri Çili komandon me anë të njerëzve të tij, Agjencinë Publike të Akreditimit të Arsimit të Lartë dhe Departamentin për Arsimin e Lartë në Ministrinë e Arsimit. Nga kanakar i dyshes Berisha-Basha dhe me 1.2 milionë euro borxh në tatime, Çili komandon dy drejtoritë që kontrollojnë universitetet private dhe miratojnë doktoraturat. Çdo kërkesë e universiteteve të tjera private në Shqipëri për programet e ciklit të dytë dhe të tretë të studimeve, duhet të kalojë nga Henri Çili. Asnjë universitet tjetër nuk mund të marrë të drejtën të zhvillojë studimet e doktoraturës, pasi cënon monopolin e UET, i cili një doktoraturë e shet 7 mijë euro. Tarifat Universiteti Europian i Tiranës ka tarifa gati katër herë më të shtrenjta sa i takon programeve të studimeve të ciklit të tretë, të doktoratës. Edhe pse është një universitet privat, tarifat e UET nuk mund ta jenë jashtë realitetit dhe kontrollit, pasi ky universitet i shërben në fund të fundit publikut. Tarifa e UET për një doktorant është 7 mijë euro. Ndërkaq, në universitetet publike, tarifa e shkollimit për programet e studimeve të ciklit të tretë, të doktoratës, është vetëm 216 320 (dyqind e gjashtëmbëdhjetë mijë e treqind e njëzet lekë). Siç shihet, diferenca është e madhe, ndërsa UET nuk plotëson pothuajse asnjë kriter nga kriteret që plotësojnë universitetet publike. UET, kuota sa disa universitete bashkë Universiteti Europian i Tiranës ka të drejtë të zhvillojë një numër të atillë doktoraturash sa disa universitete publike të marra sëbashku. Kuotat e pranimit në programet e studimeve të ciklit të tretë, doktoratë, në institucionet publike të arsimit të lartë, shkojnë deri në 1300 vit. Madje, vitet e fundit, qeveria ka nisur ta kufizojë dhe ulë këtë numër. Ndërkaq, vetëm një universiteti privat, në rastin konkret UET, i miratohen në viti 360 doktoratura.

Gazeta “Sot”





Lajmet e fundit nga