web counter
LEXO PA REKLAMA!

SHKARKO APP

App Store
Google Play

E fundit!

x

Norvegji, nis gjykimi i dy vëllezërve kosovarë të ISIS

25 Shkurt 2015, 11:47, Aktualitet CNA

Gjykimi i parë në shtetin nordik kundër të dyshuarve për terrorizëm nga ISIS, është kundër dy vëllezërve kosovarë dhe një somalezi. Ata priten të dënohen deri në 10 vjet burg
Për herë të parë në Norvegji, gjykata kryesore e këtij vendi ka nisur gjykimin e tre shtetaseve të saj të dyshuar për terrorizëm. Por asnjëri nga këta të tre nuk është me origjinë nga Norvegjia.

Njëri prej tyre është nga Somalia e dy të tjerë nga Kosova.
Përderisa somalezi Djibrill Bashir akuzohet vetëm për pjesëmarrje në luftën krah organizatës Shteti Islamik në Irak dhe Siri, dy vëllezërit kosovarë Valon dhe Visar Avdyli akuzohen edhe për rekrutim të xhihadistëve në Norvegji.
?Djibrill Bashir dhe Valon Avdyli akuzohen se kanë marrë pjesë në luftimet krah për krah ISIS-it në një grup terrorist në Siri. Avdyli së bashku me vëllanë e tij më të ri, Visarin, akuzohen se kanë rekrutuar xhihadistë për t?i dërguar në ekipet ushtarake të ISIS-it në Siri në prillin e vitit 2014?, raporton AFP.

Ky është gjykimi i parë në Norvegji që lidhet me ISIS. Gjithashtu është gjykimi i parë që thirret në nenin apo dispozitën e re ligjore të ndjekjes së shtetasve norvegjez që marrin pjesë në cfarëdo lloj angazhimi ekonomik apo fizik në një organizatë terroriste. Kjo vepër është e dënueshme në maksimum prej 6 vitesh burg.

Të tre të dyshuarit kanë mohuar akuzat, edhe pse Bashir ka pranuar se i është bashkuar ISIS-it në vitin 2013, por jo në luftime.

Express





Lajmet e fundit nga