web counter
LEXO PA REKLAMA!

SHKARKO APP

App Store
Google Play

Basha: Qeveri neohoxhiste

20 Shkurt 2015, 13:53, Aktualitet CNA

Partia Demokratike ka mbajtur sot një aktivitet me rastin e 24 vjetorit të rrëzimit të bustit të diktatorit Enver Hoxha.

I pranishëm në kët aktivitet ishte edhe Kreu i PD-së, Lulzim Basha, i cili tha se tani është koha të rrëzohet rilindja e diktaturës nga qeveria Rama-Meta.

?24 vite më parë ne hodhëm përmendoren, sot ne duhet të çrrënjosim rilindjen e diktaturës. Më shumë se kurrë, duhet të besojmë sot në vlerat demokratike si në 20 shkurt 1991.

Sot është koha të luftojmë terrorin mbi shqiptarët, është koha të luftojmë për Shqipërinë në Europë. Ne rikujtojmë sot momentet e rilindjes së vërtetë të Shqipërisë?, u shpreh Basha.

Festimi i 70-Vjetorit dhe përdorimi i portreteve të Hoxhës treguan se diktatori fle në mendjet e tyre. Shqiptarët sot drejtohen nga njerëz që kanë idhuj të gabuar, që mendojnë si ata. Asnjë nga ne s?duhet të harrojë se Shqipëria është anëtare e NATO-s dhe ideologjia hoxhiste s?mund të kthehet më. Qeveria e e ithtarëve absolutë përpiqet të rikthejë hoxhizmin nëopërmjet oligarkisë që me pushtetin e parasë synojnë të vendosin pushtetin e tyre.

Qeveria aktuale është këtu sot, një devijim i madh i pabesë nga akti i 20 shkurtit. Rama-Meta është një qeveri neohoxhiste që s?mund të sjellë Enverin, po ka sjellë monopolet, arrogancën dhe arbitraritetin, është qeveria që plaçkit interesat qytetare.

Sot ne duhet të çrrënjosim përgjithmonë modelin e diktaturës. Enver Hoxha dhe nipërit e tij politikë nuk duhet të jenë sot në krye. Mosdevijimi nga aksi i demokracisë varet nga ne të gjithë që kemi punuar për të dhe nga rinia, drita evropiane e syrit të kombit shqiptar,?- theksoi kreu i opozites.





Lajmet e fundit nga