CNN: ISIS, ja ku i gjejnë paratë terroristët

20 Shkurt 2015, 13:51, Aktualitet CNA

Shteti Islamik në Irak dhe në Siri kanë taktika shokuese kur vjen puna në përballjen me armikun, por ekspertët thonë se metodat e tyre për të bërë para janë tepër të sofistikuara, sidomos për një grup të ri terrorist.

CNN në një artikull të vetin liston mënyrat sesi ISIS bën milionat që financojnë fushatën e tij për krijimin dhe zgjerimin e kalifatit.

Prodhimi i naftës dhe kontrabanda

ISIS merr midis 1 deri në 2 milionë dollarë çdo ditë nga shitja e naftës, thonë burime të shumta për CNN. Nafta vjen në pjesë më të madhe nga rafineritë dhe burimet që ISIS ka nën kontroll në veri të Irakut dhe të Sirisë.
Militantët kontrabandojnë naftë në jug të Turqisë, për shembull dhe e shesin atë tek njerëz që kanë nevojë për ato para që të mbijetojnë.
Në listë janë edhe persona të lidhur me regjimin e ish-diktatorit
iraken, Saddam Hussein.

Dëmshpërblime nga pengmarrja

Në vitin 2012, Departamenti Amerikan i Thesarit vlerësoi se al Kaeda dhe grupimet e lidhura me të, grumbulluan 120 milionë dollarë nga dëmshpërblimet e paguara për personat e marrë peng prej tyre, përgjatë tetë vjetëve.
ISIS ka qenë më parë e rreshtuar me Al Kaedën. Dy grupet tashmë operojna ndarazi, por kanë ngjashmëri në metodat që përdorin.

Trafiku dhe shitja e artifakteve dhe antikiteteve

ISIS u lejon banorëve lokalë të gërmojnë në vende të lashtësisë përsa kohë që ata japin përqindje në para të çfarëdo gjejë që mund të gjejnë në to.
Sistemi i përfitimit nga vjedhja e antikiteteve është tepër i komplikuar, madje në fushat përgjatë lumit Eufrat, lejohen edhe ekipe gjysmëprofesionale për të gërmuar. Bëhet fjalë për një zonë-minierë e antikiteteve.
CNN ka raportuar shpesh për shkatërrimin që ISIS u ka bërë disa nga vendeve më domethënëse të historisë e trashëgimisë në Irak.

Taksimi, ndryshe, ?zhvatje?

Gjatë vitit 2014, ISIS mori nën kontroll territore të gjera në Irak e në Siri dhe caktoi entitete civile e administrative sikur të ishte një shtet legjitim. Kjo është të paktën ajo që pretendojnë militantët, por shteti kërkon taksa dhe në zonat e kontrolluara nga ISIS, që të marrin një shërbim qytetarët duhet të paguajnë tarifa për militantët.
Bizneset paguajnë për elektricitetin e sigurinë.

Vjedhja

Shpeshherë militantët nuk kanë nevojë për pretekste si taksat për të vjedhur para. Në qershor 2014 ata sulmuan disa banka në Mosul dhe vodhën rreth 500 milionë dollarë, edhe pse shuma e saktë nuk është konfirmuar.

Trafikim organesh?

Kjo metodë ende nuk është provuar e vërtetë, pasi bëhet fjalë për një akuzë të ngritur nga ambasadori iraken në OKB. Ai tha se janë gjendur trupa të hapur, çka do të thotë se disa pjesë në to mungonin.

Ai tha se ka gjasa që ISIS po merret me trafikun e organeve nga trupat e civilëve që vret.

Të korrat

Mouaz Moustafa, drejtori ekzekutiv i task-forcës për Sirinë në Uashington i tha CNN-it se Raqqa, kryeqyteti de fackto i militantëve, është një lloj shporte për drithërat e të korrat. ?Ata kanë pambuk dhe grurë?, tha ai. Sulmet ajrore kanë shënjestruar fushat e drithit që ISIS ka nën kontroll.

Një ekonomi e ndarë?

Vitin e kaluar, ISIS njoftoi se Departamenti i Thesarit të tyre do të niste prodhimin e monedhave të bakrit, për sistemin financiar të kalifatit.

?Nuk është e qartë nëse kjo do të ketë vlerë. Ajo që duam të bëjmë është pastërtisht dedikuar Zotit, deklaroi ISIS, ?ne do t?i ndajmë muslimanët nga i gjithë sistemi ekonomik global që bazohet në joshje satanike?.