E fundit!

07:08 Sociale

Moti për ditën e sotme/ Ja sa gradë do të shënojë termometri

Ditën e sotme vendi ynë do të ndikohet nga kushte atmosfer...

Tatimet e Korces/ I arrestuari si falsifikator kontrrollon IT

19 Shkurt 2015, 12:26, Aktualitet CNA

Drejtoria Rajonale Tatimore në Korcë bie në duar ?të sigurta?. Prej disa kohësh në këtë institucion ka filluar punë si specialist IT, Relis Mulla, një person i arrestuar nga policia në 7 korrik 2011 si pjese e një rrjeti që nxirte pasaporta false. Dikur specialist IT tek kompania ALEAT, sot specialist IT në Tatimet e Korcës.

Rasti atëherë bëri bujë në media, pasi me personin në fjale u ndaluan dhe tre përsona të tjerë midis tyre dhe babai i Relisit, i cili është prof.dr. Setki Mulla një pedagog universiteti dhe militant i Partisë Socialiste dhe pjesmarës në grevën e urisë ?Hap kutitë ose largohu?, në Bulevardin ?Dëshmorët e Kombit?. Një nga rastet e rralla të zbuluara ku funksiononte një skemë e plotë për falsifikim pasaportash biometrike, por duke ndryshuar gjeneralitetet dhe duke i nxjerë ato direct nga kompania.
Më pas ngjarjet rodhën me shpejtësi, 6 muaj në qeli, gjykata e Faktit i dënon por Apeli në Korcë disa i le të pafajshëm. Procedurat dhe dënimet për këtë rast duhet të jenë objekt I kontrrollit të KLD për të verifikuar vendimin e Gjykatësve ndaj të cilëve vëtë të ndaluarit më pas deklaronin se kishin shlyer cdo detyrim.

Por sot një i arrestuar nga policia për shitje dhe falsifikim pasaportash ka në dorë sistemin e rrjetin e tatimeve, ka në dorë subjektet e rajonit të Korcës. Dje policia e akuzonte se shiste pasaporta për persona të tjerë që ndëronin emrat apo nuk kalonin dot kufirin, pra edhe personave të inkriminuar, sot ky i arrestuar nuk bën të njëjtin gabim por punon ?ndershmërisht?, në tatimet e Korcës.
Një tjetër prej tyre sot punon në një institucion të rëndësishëm në Tiranë por ai do jetë object I një stjetër shkrimi. Për të mos komentuar më tej po japim të plotë njoftimin e policisë botuar si lajm I plotë në mediat e katër viteve më parë.
Elvi FUNDO

Ja lajmi i plotë dhënë nga mediat në 07 korrik 2011

Arrestohet grupi kriminal që falsifikonte pasaportat

07 Korrik 2011- Policia e Korçës ka arrestuar katër persona gjatë një aksioni që u zhvillua për kapjen e autorëve të lëshimit të pasaportave biometrike me gjeneralitete të rreme për shtetas shqiptarë që kanë probleme me drejtësinë në vendet të ndryshme të BE-së. Sipas njoftimit për shtyp, gjatë këtij operacioni, Policia ka ekzekutuar masat e sigurisë së Gjykatës së Shkallës së Parë Korçë, “arrest në burg” për Artur Feton, 31 vjeç, lindur dhe banues në fshatin Fitore-Devoll, Relis Mullën, 27 vjeç, lindur dhe banues në Korçë me detyrë specialist IT-je pranë shoqërisë Aleat, A. C., 21 vjeç, lindur dhe banues në fshatin Vashtëmi, Korçë me detyrë operator aplikimi pranë shoqërisë Aleat në Komunën e Libonikut-Korçë, dhe Setki Mullën 56 vjeç, lindur dhe banues në Korçë me detyrë Pedagog në Universitetin “Fan. S. Noli” Korçë. Sipas policisë, këta shtetas në bashkëpunim me njëri-tjetrin kanë kryer veprimtari kriminale.
Operacioni është realizuar pas tre muajve hetime, gjatë të cilëve janë mbledhur prova të mjaftueshme për veprat penale të falsifikimit të letërnjoftimeve, pasaportave ose vizave, të ndihmës për kalim të paligjshëm të kufirit” dhe për ushtrim të ndikimit të paligjshëm ndaj personave që ushtrojnë funksione publike.
Në cilësinë e provës materiale janë sekuestruar 5 praktika aplikimi për pajisje me pasaporta biometrike, 3 automjete të markës Mercedes Benz, 12 copë aparate telefoni celular, 5 karta sim, 2 usb, 1 kartë memorie, 1 pasaportë, si dhe 6 fotografi të shtetasve të ndryshëm.
Praktikisht, Artur Feto, pasi gjente shtetas të ndryshëm të cilët kishin probleme me ligjin në vendet e Europës dhe ishin të interesuar për ndryshimin e gjeneraliteteve, u garantonte dhënien e pasaportave biometrike me të dhëna të shtetasve të tjerë, por pa probleme. Nxjerrja e këtyre pasaportave garantohej kundrejt pagesave nga 5.000-7.000 euro për pasaportë dhe realizohej, duke bashkëpunuar me punonjës të firmës së prodhimit të pasaportave, Aleat. Pasi u siguronte personave të interesuar dokumente të falsifikuara, bashkëpunonte me Specialistin e IT-së Relis Mulla dhe operatorin e aplikimit për pajisje me pasaportë, për të bërë aplikimin dhe prodhimin e pasaportave biometrike me të dhëna të rreme, duke u paguar këtyre punonjësve nga 2.000-3.000 euro për çdo pasaportë, me ndërmjetësimin e babait të Relis Mullës, Setki Mulla. Më pas, shtetasi Artur Feto në rolin e organizatorit të këtij aktiviteti kriminal i ndihmonte këta shtetas për të dalë jashtë Shqipërisë sipas destinacionit të kërkuar prej tyre.
Në lidhje me këtë procedim penal po hetohen dhe raste të tjera të aplikimit të dokumenteve të falsifikuara, si dhe persona të tjerë, të cilët janë të përfshirë në këtë aktivitet kriminal.