web counter
LEXO PA REKLAMA!

SHKARKO APP

Danimarkë/Akuzohen dy persona për sulmet e fundjavës

16 Shkurt 2015, 09:31, Aktualitet CNA

Policia në Danimarkë ngriti akuza për dy persona se kanë ndihmuar të dyshuarin për sulmet e fundjavës, i identifikuar nga media vendase si Omar el Hussein të përgatiste agresionin nga i cili mbetën të vrarë dy njerëz në dy sulme të ndara. Sulmi i parë ndodhi në një kafene ku debatohej për lirinë e fjalës e ku i pranishëm ishte edhe karikaturisti suedez, Vilk i cili ka përshkrua me fjalë fyese profetin Mohamet e ka qenë në mbrojtje të policisë për shkak të kërcënimeve me vdekje.
Sulmi i dytë ndodhi në një sinagogë.
Një regjisor filmash dhe një roje hebreje e sinagogës u vranë dhe pesë persona u plagosën.
Ndërkaq, policia ka ngritur akuza për dy të dyshuarit që mendohet se kanë siguruar armët e zjarrit për agresorin dhe e kanë ndihmuar atë të fshihet. Ata i kanë mohuar këto akuza.





Lajmet e fundit nga