Drejtoresha e Rilindjes, kundër Qeverisë

28 Janar 2015, 18:15, Aktualitet CNA

Në një postim në rrjetet sociale ku qytetarët kërkojne krenarinë e vendlindjes së tyre, shikon edhe reagimin e vërtetë dhe shpirtëror të drejtuesve socialistë në institucione. Korça e mrekullisë, e turizmit, e kullës së kuqe, dhe e Europës, që pretendon kryeministri Rama në fakt ka një fytyrë tjetër. Për këtë nuk do mjaftonte një koment apo një mendim personal, pasi do paragjykohej ose komentohej politikisht.

Për të qenë sa më transparentë dhe të paanshëm për situatën që kalon sot Korça dhe sesi ajo përjetohet jo vetëm nga banorët e saj por edhe drejtuesit e Rilindjes të institucioneve ne përzgjodhëm disa komente të drejtoreshës së Muzeut ?Bratko? në Korcë, Jonilda Trebicka. Në një debat ajo shkruan ?Korça është një provincë kaq e prapambetur sa që të tërë duan të ikin nga ky biçim “qytetarie”.?

E ardhur nga Amerika me shpresën se atë do ta gjente edhe në Korçë drejtoreshës nuk i ka mbetur asgjë tjetër veçse të shprehë pesimizëm të thellë: ?Këtu nuk të mundësohet të kontribosh, këtu mundësohesh se si të ” koruptosh” dhe se si të manipulosh dhe se si të servilosesh të paaftëve?, shkruan ajo.

Pasi është bërë pesimiste dhe duket e zhgënjyer nga Rilindja socialiste, ajo zbulon faktin se ashtu si kanë shkuar punët nuk është çudi që një ditë Korça të mbetet e banuar vetëm nga pensionistët: ?më vjen keq të them që shumica e korcarëve sidomos të rinjtë, nuk duan të jetojnë në këtë qytet…….se përse ndofta ti mund ta dish me mire se mua?, i drejtohet një mikut të saj në debat Drejtoresha socialiste.
Në dëshpërim e sipër drejtoresha e Rilindjes, nuk e pikturon krejt të zezën e qytetit të saj, por lë edhe ca gjëra për tu nënkuptuar ndoshta ngaqë ndjehet e dhunuar psikologjikisht: ?Të dhunohesh psikologjikisht në një vend pune nuk është qytetari……është prapambetje dhe dicka tjetër që sdua ta them këtu…?. Kush e dhunon drejtoreshën e muzeut, Kryetari i Bashkise? Ministrja e Kultures? Zv/Kryeministri? Kryeministri? Përgjigjen e di vetëm ajo ne dimë që Drejtoresha ndodhet në hall të madh që jeton në atë qytet dhe punon në atë detyrë.

Në fakt ajo ka të drejtë të parët zhgënjehen intelektualët, apo drejtuesit pavarësisht bindjeve të tyre. Por ne nuk po gjejmë ende përgjigjen e pyetjes: Çtë jetë ky zhgënjim kaq i thellë I Drejtoreshës nga Rilindja?

Elvi FUNDO