web counter
LEXO PA REKLAMA!

SHKARKO APP

App Store
Google Play

E fundit!

x

Obama nis turin në Indi, masa të jashtëzakonshme sigurie

25 Janar 2015, 08:40, Aktualitet CNA

Presidenti amerikan Barack Obama nisi turin treditor në Indi, për të cilin autoritetet kanë ndërmarrë një operacion të paprecedent të masave të sigurisë. Me mijëra trupa të sigurimit janë vendosur në Delhi se bashku me 15 mijë kamera të instaluara në qytet.
Kryeministri i Indisë, Narendra Modi nënvizoi rëndësinë e kësaj vizite duke thyer rregullat e protokollit e duke dalë vetë në aeroport për të pritur Obamën.
Bisedimet mes tyre do të fokusohen tek tregtia, mirëpo në axhendë parashikohen edhe çështjet e sigurisë, energjia bërthamore si dhe ndryshimet klimaterike.
Obama do të marrë pjesë edhe në ceremonitë e ditës së hënë, për Ditën e Republikës.
Pas mbërritjes në aeroport, presidenti amerikan udhëtoi drejt pallatit presidencial, për ceremoninë e mirëpritjes nga homologu, Pranab Mukherjee. ?Eshtë një nder i madh, jemi mirënjohës për këtë mikpritje të jashtëzakonshme?, tha Obama. Ai vendosi një kurorë në memorialin e Mahatma Gandhi.
Bashkë me presidentin, në Indi ka mbërritur edhe një delegacion me liderë të biznesit të cilët përgatiten për bisedime të rëndësishme në fushën tregtare.
Presidenti Obama me kryeministrin Modi do të mbajnë së bashku fjalim mujor në radio, një adresim që i kushtohet me milionë indianëve që nuk kanë mundësi të shohin television.
Korrespondentët vënë në dukje se masat e sigurisë janë në maksimum, me mijëra policë nëpër rrugë prej disa ditësh. Siguria është rritur në hotelet ku qëndron presidenti dhe ekipi i tij.





Lajmet e fundit nga