E fundit!

17:17 Aktualitet

Ben Blushi për protestat në Tiranë: Mos u drejtoni nga urrejtja, ka shumë arsye për të shfryrë

Ish-deputeti Ben Blushi ka bërë një postim në rrjetet soci...

PD: Të hënën në 11, nis refuzimi masiv i çmimeve të larta, taksave të larta, i mjerimit të shqiptarëve

24 Janar 2015, 11:43, Aktualitet CNA

Grida Duma, Sekretare e Mardhënieve me Publikun e PD-së ka dalë në një konferencë nga selia e kësaj partie duke deklaruar se: E hëna është vetëm hapi i parë i një një proteste mbarëkombëtare kundër çmimeve të larta të energjisë dhe naftës, kundër taksave të larta, kundër arbitraritetit e padrejtësisë. Partia Demokratike është në krah të qytetarëve, është në ballë të protestës së tyre të legjitime.

Deklarata e plotë e Sekretares së Marrëdhënieve me Publikun

Të hënën në orën 11, qytetarët në mbarë vendin nisin aksionin kundër cmimit më të lartë të naftës në rajon e në Europë.

Në orën 11 drejtusit e mjeteve në mbarë Shqipërinë do të ndalojnë e fikin makinat për 5 minuta në shenjë proteste, kundër cmimit të lartë të naftës, kundër rrjepjes e varfërimit të qytetarëve dhe pasurimit të klientelës korruptive Rama-Meta.

Faktet janë këto.

-Në cdo litër naftë që blejnë, qytetarët paguajnë 1008 lekë taksa për qeverinë.

-Cmimi i karburantit sot tek ne është më i larti në rajon e në Europë, ndërkohë që të ardhurat janë 3 herë më të ulëta se mesatarja europiane.

Megjithëse Edi Rama i di mirë këto fakte, ai vazhdon të bëjë strucin. Sepse është ai që i ka rritur taksat në mënyrë të përsëritur.

Cmimi i naftës, cmimi i energjisë, taksat dhe cmimet e larta, dhuna dhe padrejtësitë qeveritare janë arsyet e krizës ekonomike, varfërisë dhe papunësisë që po përjetojnë sot mijëra shqiptarë.

Ndaj e hëna është vetëm hapi i parë i një një proteste mbarëkombëtare kundër cmimeve të larta të energjisë dhe naftës, kundër taksave të larta, kundër arbitraritetit e padrejtësisë.

Partia Demokratike është në krah të qytetarëve, në krah të interesave të tyre të drejta, është në ballë të protestës së tyre të legjitime.

Të hënën në orën 11 nisim refuzimin masiv të taksave të larta, cmimeve të larta, varfërisë dhe mjerimit të shqiptarëve.