Si t'i eliminojnë pikat e zeza në fytyrë?

24 Janar 2015, 11:02, Aktualitet CNA

Ajo që dëshirojmë të gjithë është një lëkurë perfekte pa njolla, pa pika të zeza. Të gjithë ne mundohemi të kemi një fytyrë të shndritshme, të mëndafshtë dhe të butë. Kjo është ëndrra e çdo femre, por për fat të keq jo gjithmonë është kështu.

Pikat e zeza, në veçanti, janë të vështira për t?u hequr, çdo sforcim nga ne rezulton i kot. Në një distancë kohore ato shfaqen përsëri mbi lëkurën tonë. Ato janë masë oleoze, keratine dhe më pas mikroorganizma, të cilat akumulohen në brendësi të folikulit pilifer. Janë papastërti, të cilat nëse inflamohen kthehen në puçrra. Për këtë arsye të pastrosh lëkurën përditë, pa e irrituar, është rregulli më i mirë për një rezultat të mirë, duke zgjedhur produktet me kujdes.

Një ushqyerje e keqe e pasur me yndyra dhe sheqerna, duhani dhe smogu mund të ndikojnë negativisht mbi rezultatin që dëshirojmë. Edhe hormonet janë përgjegjëse, sidomos gjatë rritjes, duke stimuluar gjëndrat e sebos.

Ekspertët kanë theksuar se është mirë që për të hequr trukun në thellësi të përdorni detergjent qumësht specifik, më pas shpëlani fytyrën me ujë të ftohtë. Dy herë në javë mund t?i bëni fytyrës avull të ngrohtë, si një mini sauna shtëpiake, ashtu sikurse ndodh edhe tek estetistja.

Një teknikë tjetër shumë efikase për pastrimin e fytyrës gjatë javës është edhe maska me argjilë, atë mund ta gjeni të gatshme ose ta përgatisni vetë, duke përzier argjilën me gjysmë gote ujë të vakët dhe gjysmë kokrre limoni të shtrydhur. Përziejini me kujdes derisa të formoni një masë homogjene kremoze dhe më pas aplikojeni në zonën T të fytyrës (balli, hunda, mjekra) dhe lëreni në qetësi për 30 minuta. Eliminoni argjilën pasi të jetë tharë me një pecetë të njomë dhe më pas shpëlani fytyrën me ujë të bollshëm.

Uthulla e mollës dhe lëngu i limonit janë tonikë natyralë, që mund t?i përdorni për të eliminuar bakteret që helmojnë lëkurën, duke stabilizuar kështu PH natyral. Holloni 1 pikë uthull në 8 pika ujë dhe më pas lyeni me një pambuk fytyrën e pastër dhe të thatë. Zgjidhjet për një lëkurë të pastër janë të shumta dhe të lehta për t?u realizuar, por kushtojini më shumë vëmendje shëndetit të lëkurës tuaj.