web counter
LEXO PA REKLAMA!

SHKARKO APP

App Store
Google Play

E fundit!

x

IKMT kallëzim penal për Lulzim Bashën dhe Florenc Hoxhën

24 Janar 2015, 12:59, Aktualitet CNA

Inspektoriati Kombëtar për Mbrojtjen e Territorit  ka kryer një kallëzim penal për shpërdorim detyre, ndaj Kryetarit të Bashkisë së Tiranës, Lulzim Basha dhe Kreut të Policisë Bashkiake të Tiranës Florenc Hoxha. IKMT deklaron se bashkia dhe policia u kanë dhënë leje ndërtimi një objeti shumëkatësh. Kjo leje është në kundërshtim të planit dhe IKMT-ja kërkon pezullim edhe për firmën ?Gerard-shpk? dhe investitorin Fatjon Mahmutaj.

“Inspektoriati Ndërtimor Urbanistik Kombëtar kallëzon penalisht kryetarin e Bashkisë së Tiranës z.Lulzim Basha, kryeinspektorin e Inspektoriatit Ndërtimor Urbanistik të Bashkisë Tiranë z. Florenc Hoxha, si dhe anëtarët e Këshillit Teknik të Bashkisë Tiranë, për veprën penale ?Shpërdorim të detyrës? i kryer në bashkëpunim, i parashikuar nga neni 248 dhe 25 i Kodit Penal.
Njëkohësisht Inspektoriati Ndërtimor Urbanistik Kombëtar, kallëzon penalisht subjektin ndërtues ?GERARD-A? sh.p.k si dhe investitorin, shtetasin Fatjon Mahmudaj, për veprën penale ?Ndërtim i paligjshëm? parashikuar nga neni 199/a i Kodit Penal.
Bëhet fjalë për një objekt shumëkatësh multifunksional, që po ndërtohet mes dy objekteve publikë në rrugën e Elbasanit; shtëpia e fëmijës ?Zyber Hallulli? dhe shkolla e mesme e gjuhëve të huaja ?Asim Vokshi?, deklaron Dallëndyshe Bici.

Deklarata vazhdon duke thwnw se: Leja e dhënë për këtë objekt nga kryetari i Bashkisë së Tiranës është miratuar në kundërshtim me parashikimet ligjore dhe në mungesë të një plani të detajuar vendor (PDV) për zonën ku kryehet ndërtimi.
Sipas parashikimeve ligjore, çdo fazë e miratimit të një leje ndërtimi, duhet të publikohet në rregjistrin e planifikimit të territorit, gjë që nuk është bërë.
Në çastin e miratimit të lejes, subjekti ndërtues ishte i mangët në dokumentacionin tekniko-ligjor.
Përveç këtyre, leja për ndërtimin e objektin nuk respekton asnjë nga kushtet zhvillimore. Mund të përmend disa detaje: Ky objekt, është kaq afër shkollës sa që për rrethim po përdor faqen e saj. Nga ana tjetër nuk ka parashikuar asnjë metër largësi nga rruga, (edhe në leje është shkruar kufiri nga rruga 0.00 m). Ndërkohë që dy godinat publike janë vetëm tre kate lartësi, për objektin në fjalë lartësia maksimale është parashikuar 9 kate.

“Të gjitha këto shkelje, duhet të ishin konstatuar nga inspektoriati Urbanistik i Bashkisë së Tiranës, në çastin kur subjekti ka bërë njoftimin për fillimin e punimeve. Gjë të cilën nuk e ka bërë.

Ndërkohë që investitori dhe subjekti ndërtues nuk duhet të fillonin punimet, bazuar në një leje të dhënë në kundërshtim me ligjin.

Këto janë arsyet e kallëzimit penal bërë nga Inspektoriati Ndërtimor Urbanistik Kombëtar në adresë të këtyre shtetasve. Për funksionarët publikë, INUK kërkon edhe pezullimin e tyre nga ushtrimi i detyrës”, përfundon Bici deklaratën e saj.





Lajmet e fundit nga