web counter
LEXO PA REKLAMA!

SHKARKO APP

App Store
Google Play

E fundit!

x

Greqi/ 10 milionë qytetarë votojnë në zgjedhjet e parakohshme

25 Janar 2015, 08:11, Aktualitet CNA

Grekët votojnë në zgjedhjet e përgjithshme parlamentare, rezultatet e të cilave mund të bëjnë që Greqi të rinegociojë kushtet e ndihmës ndërkombëtare. Partia e së majtës ekstreme, Syriza e cila pritet të fitojë zgjedhjet, kërkon që pjesë të borxhit të stërmadh grek të anulohen dhe masat e kursimit të mos zbatohen.
Këto deklarata kanë bërë që tregjet financiare të shohin me dyshim zhvillimet në këtë vend, pasi janë shtuar druajtjet e një daljeje të Greqiesë nga zona euro.
Por, partia qeverisëse Demokracia e re thotë se ekonomia po rimëkëmbet.
Greqia deri më tani, ka ndërmarrë shkurtime të ëmdha buxhetore, si reformë e imponuar nga paketa e shpëtimit financiar nga BE, FMN dhe BQE.
Ekonomia e saj është rrudhur masivisht që nga kriza financiare globale e 2008, e është rritur papunësia ndërsa shumë grekë kanë rënë në varfëri.
Në Greqi, janë thirrur për të votuar 10 milionë qytetarë me të drejtë vote, për të zgedhur 300 deputetë të parlamentit.
Lideri i Syriza-s, Alexis Tsipras deklaroi se partia e tij do t?i kthejë Greqisë dinjitetin duke anuluar masat për pensionet, vendet e punës e pensionet që kanë dëmtuar me miliona qytetarë. Mundësia e fitores së partisë së tij, ka druajtje se mund të nxjerrë Greqinë nga zona euro, edhe pse Syriza e ka moderuar qëndrimin duke thënë se dëshiron që vendi të qëndrojë në zonën e monedhës së përbashkët.
Centristët e To Potami dhe e djathta ekstreme e Agimit të ARtë pritet të luftojnë për vendin e tretë në zgjedhje.





Lajmet e fundit nga