E fundit!

16:01 Aktualitet

Deklarata skandaloze e ministres serbe/ PD: Të shpallet non grata dhe të paditet për nxitje të genocidit

Partia Demokratike ka reaguar lidhur me deklaratën e minis...

Shqipëria qeveriset nëpërmjet krimit shtëtëror

11 Janar 2015, 10:38, Aktualitet CNA

Nga Spartak NGJELA

Lord, what fools these mortals be! — O Zot, sa të marrë që janë të vdekshmit ! Tha Shekspiri; dhe kishte të drejtë. Marrëzia nuk është çmënduri e vërtetë, por marramendje nga mungesa e kulturës, dhe nga thatësira kundrejt ndjenjës së dashurisë. Të dyja, më në fund, edhe kultura edhe ndjenja e dashurisë, janë të lidhura me lirinë e individit. Në fund të fundit, kjo ka qenë edhe sëmundja jonë shqiptare, dhe vijon të jetë – kemi marramendje të theksuar në çeshtjet shoqërore. Natyrisht, nuk është e barabartë kjo marramendja jonë me çmendurinë e dy arabëve që vranë në Paris 12 persona për një karikaturë, por gjithësesi, edhe marramendja jonë na ka lënë shumë mbrapa. Ka marrëzi në drejtimin e shtetit, por ka marrëzi edhe në drejtimin e familjes; ka krim në rrugë, dhe ka edhe krim në familje. Të gjitha do të ekzistojnë, se Shekspiri nuk ka qënë një njeri i vogël që tha:, Lord, what fools these mortals be!… Por më e padurueshmja, ajo që nuk duhet të eksiztojë, është krimi shtetëror. E pra, kur do të shpëtojmë ne shqiptarët nga krimi shtetëror?
Krimi shtetëror ndodh atëherë kur, forca e atij që ka pushtetin, dhe që e ka dashuruar këtë nga marrëzia, ushtrohet, për pasionin e tij, kundër të tjerëve që i ka marrë për t’i qeverisur. Ja kjo është historia jonë, na kanë qeverisuar me anë të krimit shtetëror. A ka lidhje kjo me 12 të vrarët për një karikaturë në Paris? Mos harroni se edhe Enver Hoxha ka vrarë me dhjetra për një karikaturë, por, jo nëpërmjet krimit të rrugës, por nëpërmjet krimit shtetëror. Po sot, 24 vjet pas përmbysjes së hoxizmit, a ka krim shtetëror. Unë them se ka; sepse ne ende s’jemi të aftë që ta ndalojmë atë, ngaqë i zgjedhim qeverisësit tanë me pasion dhe jo me arësye. Prandaj s?kemi drejtësi shoqërore në Shqipëri. Ajo, drejtësia shoqërore është Thembra e Akilit? por pushtetërët tanë nuk e duan?sepse duan të qeverisin nëpërmjet krimit shtëtëror, që më i dukshmi ndërkohë është korrupsioni.