Politika dhe krimi

11 Janar 2015, 10:29, Aktualitet CNA

Elvi FUNDO

Politika dhe krimi në Shqipëri janë të lidhura si mishi me thoin. Aq të lidhura, sa qeveria e zotit Rama na dha një leksion të ri që më parë nuk e kishim parë.

Nuk është e vështirë që dikush të shkruajë për lidhjet e politikës më krimin në Shqipëri. Të gjitha zgjedhjet, partitë përdorin cdo arsenal që kanë për të shtuar votat, dhe këtu kalojnë cdo limit dhe nuk kanë asnjë parim.

Fiton kush mbledh votat, që të mbledhesh me shumë paguan më shumë. Shembulli më i mirë është LSI në këtë rast. Që të mbledhësh më shumë duhet aleancë me të gjithë, shembulli më i mire është PS në zgjedhjet e fundit në 23 qershor 2013. Që të vish në pushtet duhet aleancë edhe më djallin dhe PD këtë e bëri në 2005, vetëm se krimi menjëhërë pas fitorës përfundoi pas hekurave në shumicën e rasteve, u cmontuan dhe u burgosen jo pak banda e kriminelë.

Politika dhe krimi lidhen atje në fshat ose në lagje. I forti i mehallës ka ca cuna, cunat kane familje, po kanë dhe krushqi. Ja tju fusim ndonjë në punë, t?u bëjmë ndonjë qokë. Po dhe ndonjë lekë e duan etj etj. Pa harruar bandat dhe influencat. Bandat janë të lidhura me politikën dhe këtë e di cdo shqiptar. I lidhin zgjedhjet dhe me pas nuk zgidhen dot.

Akuza të forta publike janë hedhur nga PD muajt e fundit. Dhjetra e dhjetra drejtorë në institucione kryesore ranë në duart e personave të inkriminuar. Një e nga një ata u shkarkuan, por sinjali i dhënë nga mazhoranca ishte gati kriminal. Unë qeveris më krimin? Për të mos bërë djallin më qeverinë po bëj avokatin e saj. Thjesht në shumë qytete dhe zona të ndryshme të vendit PS-LSI bënë aleancë me krimin për votat. Përdorën skemën e mësipërme. ME JEP TË TË JAP. Kutitë u mbushën, partitë erdhën në pushtet tani duhej shpërblimi. Dhe ja pasoja.

Nga ana tjetër kemi akuza për deputetë të inkriminuar, politika bën debat, nuk është kriminel ka dëshmi, ose më ekstremisht ti e ke pasur nga ty e mora. Pra thjesht një tregim se kush e kishte e kush e ka. Për këtë stiset një sebep që bëhet kauz, partimi i parlamentit nga krimi dhe kjo do bëhet me ligj. Po kush e coi krimin në parlament? Populli me votat e tij, por popullit ja serviri partia. Mjerimi dhe inati, krimi dhe blerja, dëshira për ndryshim e inkriminuan dhe popullin që duke kërkuar shpresë të shkonte drejt pushtetit të krimit.

Vetëm në Shqipëri mund të ndodhë të bëhet një marrëveshje për të pastruar krimin nga parlamenti dhe PS-PD ta mbajnë edhe nja 6 muaj sa të bëjnë ligjin, pra vazhdojnë të jetojnë e bashkëjetojnë me krimin. Krimi është afër politikës dhe i përdorur në vite prej saj në mënyra nga më të ndryshmet por asnjëherë gjatë kohës të PD nuk guxoi kush të kërcënonte Edi Ramën, si në rastin e fundit me deputeten Voltana Ademi dhe kreun e PD Lulzim Basha. Kjo sepse në zgjedhjet e fundit uria e PS për të ardhur në pushtet e detyroi që të hante jo një lugë po një kazan me corbë.

Krimi përfiton nga politika dhe përpiqet të jetë sa më afër, historia moderne fillon me Italinë por gjithmonë ai vend lufton e lufton, megjithëse mund të ketë pjesë të trupit të saj por e lufton si sëmundje. Prandaj zgjidhja është ndarja e poltikës nga krimi dhe vetëm përcaktimi i qartë i kufijve moralë dhe etikë të politikës mund ta bëjë këtë ndarje. A ka vullnet? Në fakt ka më shumë show publik.