E fundit!

14:59 Denoncim

Banorët e fshatit Gjashtë në Sarandë në “alarm”/ Shtylla elektrike, rrezik i vazhdueshëm

Një denoncim nga banorët e fshatit Gjashtë të Sarandës ka ...

Marshimi i Lirisë, 50 kryetarë shtetesh e Qeverish në Paris

11 Janar 2015, 11:04, Aktualitet CNA

Më shumë se 700 mijë njerëz dhe pothuajse 50 kryetarë shtetesh e qeverish marshojnë në Paris në përkujtim të viktimave të sulmeve terroriste në Francë. Marshime të tjera janë mbajtur në qytetet të ndryshme franceze si dhe përtej Atlantikut, në Nju Jork e gjetkë.
Forcat e sigurisë morën nën kontroll të gjitha rrugët e marshimit në Paris, 2 mijë forca ndjekin marshimin, ndërsa 3 mijë të tjera janë të vendosur për të mbrojtur zona të ndjeshme në të gjitha kryeqytetin francez.
Liderët kryesorë europianë, mes të cilëve kancelarja gjermane, Angela Merkel, kryeministri britanik, , David Cameron, Matteo Renzi i Italisë dhe Mariano Rajoy i Spanjës, me praninë e tyre kërkojnë të japin mesazhin se Europa mbetet e bashkuar kundër terrorizimit, dhe në përkrahje të lirisë së shprehjes. Në marshim pritet të jenë të pranishëm edhe president ii Ukrainës, Petro Poroshenko si dhe përfaqësues të lartë të qeverisë, si ministry i jashtëm rus, Sergei Lavrov.
Në listën e personaliteteve që shprehin solidaritetin e tyre me viktimat e sulmeve terroriste dhe me unitetin e botës përballë fanatizmit, janë edhe kryeministri izraelit, Benjamin Netanyahu dhe presidenti palestinez, Mahmoud Abbas.
Në Paris, policia përgatiti dy itinerare alternative për marshuesit, porn ë secilën prej tyre nisja bëhet nga Sheshi i Republikës. Një nga rrrugët kalon pranë zyrave të revistës satirike, Charlie hebdo skenë e sulmit që i mori jetën jetën 12 personave.
Grupet e marshueve bashkohen në Place de la Nation në lindje të kryeqytetit francez, një stacion metroje më larg nga Porte de Vincennes, vendi ku ndodhi sulmi mbi policët dhe pengmarrja në supermarketin hebraik.
Snajpera të policisë janë të vendosur në catitë përgjatë rrugës, e cila është kontrolluar me imtësi përpara nisjes së marshimit.
Operacioni zhvillohet nën mbikqyrjen e ministrit të Brendshëm, Bernard Cazeneuve, sipas të cilit, niveli më i lartë i sigurisë do të mbetet në fuqi për disa javë.
Edhe të shtunën, në Francë ka pasur marshime prej qindra mijë njerëzish në rrugët e qyteteve të mëdha në nderim të viktimave të terrorizmit.