Legjenda e Rock 'n 'Roll, Elvis Presley do ishte sot 80 vjeç

10 Janar 2015, 10:37, Aktualitet CNA

I ftohti i këtyre ditëve nuk i ka penguar aspak mijëra fansa të Elvis Presley-t ta kujtonin atë në ditën e lindjes së tij. Bashkëshortja Pricilla dhe vajza e tij e vetme Lisa Marine, kanë festuar në Memphis ditëlindjen e mbretit të Rock n Roll-it. Në temperatura e ulta familjarë, miq dhe fansa kishin përgatitur një tortë dhe i kënduan këngën e ditëlindjen idhullit të tyre.

” Zot jam e mahnitur, ju jeni kaq shumë në numër, që keni ardhur për të festuar ditëlindjen e Elvis dhe ndihem shumë e nderuar”, ka thënë 69 vjeçarja Presley.

Elvis Presley lindi në 8 janar të vitit 1935, në një familje shumë të varfër në Missisipi dhe në moshën adoleshencës u shpërngulë bashkë me familjen në Memphis. Ai u shpërngul në këtë qytet në moshën 13 vjeçare dhe vdiq po në këtë qytet në 16 gusht 1977 në rezidencën e tij me famë Graceland. Që nga viti 1982 ajo u kthye në Graceland Museum, dhe është rezidenca më e vizituar në SHBA pas shtëpisë së bardhë në Uashington.

Ai ishte i vetmi muzikant, që ka kryesuar ndonjëherë hitparade në katër dekada të ndryshme (1950, 1960, 1970 dhe në fillim të viteve 80).
Sipas “SoundExchange” ai është artisti veprat e të cilit në formë dixhitale janë klikuar më shpesh në 10 vitet e fundit. Shtatë vjet pas vdekjes Presley kishte një gjysmë miliard disqe të shitura në mbarë botën.Daljet në disa spektakle të famshme televizive të kohës i dhanë atij famë botërore dhe kur në vitin 1958 u nis me ushtrinë amerikanë për në Berlin, popullariteti i tij kishte arritur kulmin, si këngëtar dhe si një yll Hollivudi pasi kishte luajtur në disa filma të kohës.Në Gjermani ai u njoh edhe më gruan e ardhshme, 14-vjeçaren Prishila, me të cilën u martua në vitin 1967. Por gjashtë vjet më vonë, u divorcuan pasi kishin edhe një vajzë bashkë, Liza Mari Preslin, e lindur në vitin 1968.

Në atë periudhë ai ishte bërë i varur nga ilaçet qetësuese. Përdorimi i tepërt i tyre dhe stili ekstravagant i jetesës bënë që jeta dhe karriera e tij brilante të mbylleshin më 16 gusht 1977, kur ishte vetëm 42 vjeç.Edhe pse nuk jeton më prej disa dekadash, Presli vazhdon të jetë një prej personazheve të famshëm me më shumë fitime, duke u renditur i dyti për vitin 2014 nga revista Forbes, me 55 milionë dollarë të fituar nga të drejtat e këngëve, filmave dhe spektakleve televizive ku ka marrë pjesë, si dhe nga shitjet e biletave vizitorëve të shtëpisë së tij në Memphis, ku edhe është varrosur.Legjenda e Rock n Roll jeton akoma, pasi ka ende klube të tifozëve të Elvis Presley-t në 38 vende. Që nga 2007 BBC organizon spektaklin “World’s Greatest Elvis”: Shawn Klush nga Pensilvania është një prej fituesve. Graceland ka konkursin e vet “Ultimate Elvis Tribute Artist Contest” e po ashtu edhe në qytetin Bad Nauheim në landin e Hesenit në Gjermani që nga viti 2002 organizohet “European Elvis Festival”.

GjithashtuNjë Elvis në bronz u është dhënë si çmim nga viti 1989 deri në 1991 fituesve të konkursit ndërkombëtar International Rock Award. Për këtë arsye Elvis në bronz tani ndodhet në vitrina krahas legjendave të Rock-ut si Eric Clapton, Keith Richards, Ozzy Osbourne, Alice Cooper dhe Lou Reed.