web counter
LEXO PA REKLAMA!

SHKARKO APP

App Store
Google Play

E fundit!

x

Veshja e takave të larta mund ti bëjë meshkujt më të sjellshëm me ju

22 Dhjetor 2014, 17:00, Lifestyle CNA

Takat e larta kanë anën e tyre të mirë dhe të keqe. Por një studim francez i publikuar në Archives of Sexual Behavior shtoi dhe një përfitim të ri dhe interesant:

Meshkujt, me sa duket, kanë më shumë mundësi që të tregohen më të sjellshëm dhe ti ndihmojnë gratë nëse kanë veshur taka të larta.

Në studim, kërkuesit kanë kryer disa eksperimente të veçanta për të shqyrtuar se si gratë e veshura me tri lloje të ndryshme këpucësh: këpucë të zeza të sheshta, këpucë të zeza me takë të mesme (5 cm), këpucë të zeza me takë të lartë (9 cm) kishin marrë trajtime të ndryshe. Në eksperimentin e parë, një grua iu afrua njerëzve në rrugë për të përpiluar një anketim; në një tjetër eksperiment, një grua bëri sikur rastësisht i ranë dorashkat për të parë se sa do ta ndihmonin njerëzit. Në të dyja këto eksperimente, e njëjta grua veshi të tre llojet e këpucëve. Dhe në një eksperiment të tretë, një grup grash të cilat mbanin veshur këpucë me takë të lartësive të ndryshme u ulën në një bar, ndërsa hulumtuesit vërejtën se sa shpesh secilës grua i afroheshin meshkuj të ndryshëm.

Në secilin eksperiment, meshkujt ishin më të gatshëm ndaj femrave me këpucë me takë të lartë, ndërsa gratë trajtuan femrën e cila kërkonte ndihmë njëlloj, pavarësisht nëse kishte takë të lartë apo të ulët. Autorët e studimit besojnë se kjo është për shkak të reputacionit kulturor të këpucëve: takat e lartë janë portretizuar si seksi në media. Dhe këpucët të cilat janë perceptuar si seksi, siç raporton Washington Post “, në mënyrë të pandërgjegjshme … i bëjnë [meshkujt] që ti vërejnë dhe tu përgjigjen femrave.” Por, përpara se të vendosni që të veshin vetëm këpucë me taka, mos harroni: Vishini në mënyrë të moderuar për dashurinë ndaj këmbëve tuaja.





Lajmet e fundit nga