Kryebashkiaku i Korces: Nje sqarim per Z. Artan Fuga

17 Dhjetor 2014, 14:43, Aktualitet CNA

I nderuari Z. Fuga

Po ju shkruaj disa konsiderata te miat ne lidhje me shkrimin tuaj ne FB drejtuar Z. Niko Peleshi, mqs edhe une permendem ne kete shkrim, cuditerisht ne menyre jo dhe aq etike, ne dallim nga ajo cfare mund te ishin pritshmerite time ndaj jush.

Po i postoj ne faqen time per nje arsye te thjeshte, nuk dua qe te humbasin ne kakofonine e komenteve te tjera te bera nga njerez, qe kane ndjekur fillin e postimit tuaj, i cili fatkeqesisht eshte i gjithi nje keqkuptim i madh.

Do ta filloj duke sqaruar pozicionin tim. Keto konsiderata po i bej si nje kryetar bashkie i zgjedhur me nje shumice te madhe votash nga qytetaret e Korces dhe jo rastesisht, pasi prej me shume se shtate vitesh, ne pozicionin e N/ Kryetarit dhe tani te Kryetarit te Bashkise, kam punuar dhe punoj me pasion per transformimin e qytetit, per ta bere ate, ashtu sic thone sidomos vizitoret, nje nga te vetmet oaze europiane ne Shqiperine e tranzicionit.

E lexova me kujdes shkrimin tuaj duke u perpjekur te gjeja midis rreshtave, qe flisnin per propozime nga ana e Z. Peleshi, per te fshire nga harta e Korces, shtepite e vjetra, monumentet e kultures dhe per ti zevendesuar ato me pallate shumekatshe ( nuk e kuptova dot se ciles pjese te artikullit i referoheni, mbase citimet mungonin per shkakun e thjeshte se asgjekundi ne kete artikull nuk flitet per kete gje ), dicka qe te kishte lidhje me ate cfare ishte ne te vertete thelbi i artikullit.

E bera me ngulm kete gje, pasi realisht me interesonte kendveshtrimi juaj dhe fatmiresisht e gjeta.

E gjeta dhe po ju them qe u habita, por edhe u gezova qe ju ndanit te njejtin kendveshtrim me Z. Peleshi dhe me mua per kete problem. Po ju citoj ?Në urbanistikë, arkitekturë, arte, media, krijim shpirtror, progresi është bashkim i krijimit me konservimin e gjithçkaje të vjetër.?

Ne fakt ky ishte thelbi i artikullit dhe i filozofise, qe mbeshtet edhe une, por mesa duket edhe ju. Progresi vjen duke konservuar cdo gje te vjeter, te tradites, ate qe eshte pjese e identitetit tone, por edhe duke krijuar te rene, modernen, e cila duhet te bashkejetoje dhe harmonizohet me te vjetren, pasi cdo gjenerate, i nderuari Z. Fuga, ka jo vetem te drejten, por edhe detyren per te krijuar dhe per t?jua lene pastaj trashegim brezave te tjere.

Po e zhvendos tani fokusin nga fjalet tek veprat, sepse ne thelb ato jane edhe me te rendesishmet.

Ju thoni ne shkrimin tuaj se Bulevardi I Korces, te cilit i kendohet aq bukur neper serenata, nuk mund te zevendesohet nga ashensoret. Absolutisht e vertete, por mos harroni qe Bulevardi Republika u rikonstruktua ne menyre model nga Bashkia Korce ne vitin 2009, nga i njejti ekip dhe nen te njejten filozofi, te cilen po ndaj me ju sot.

Ju dhe disa nga komentuesit flisni me dashuri per magjine e kalldremeve te Korces, por mos harroni se keto kalldreme ju kthyen qytetit gjate viteve 2010 ? 2012, pikerisht fale insistimit dhe punes kembengulese dhe me pasion te Bashkise Korce, nga i njejti ekip dhe nen te njejten filozofi.

Para disa javesh filluam punimet per restaurimin e godinave te Pazarit te vjeter te Korces, mbase vlera me e rendesishme e trashegimise kulturore ne qytet. Ishte insistimi yne dhe lobimi i fuqishem, qe mundesuan akordimin e 4 milion USD per kete projekt. Ate, te cilen kryetaret e tjere te bashkise mezi e artikulonin, ne po e bejme realitet.

Para 2 vjetesh u shemb godina e shtepise historike te flamurit ne Korce. E dini ju se kush e denoncoi i pari kete akt kriminal, mos valle Ministria e Kultures, IMK, apo Drejtoria Rajonale e Kultures? Jo. Ishte Bashkia Korce, e cila jo vetem e denoncoi kete akt, por edhe ju be barriere projekteve, qe parashikonin ndertimin e qendres tregetare mbi rrenojat e objektit historik dhe sot pronaret te detyruar nga presioni i Bashkise, do te fillojne ndertimin e godines ashtu sic ishte me pare.

Sheshi para katedrales dhe zona kembesore jane dy projekte te tjera madhore, qe demonstrojne filozofine tone per hapesirat publike ne qytet. Sic mund ta shihni edhe vete, keto hapesira nuk jane cunguar per shkak te presionit te urbanizimit dhe betonizimit, sic ka ndodhur rendom me qytetet e tjera te Shqiperise, por ju jane kthyer qytetareve, si siperfaqe funksionale, por edhe te rikonstruktuara ne menyre moderne dhe bashkekohore.

Keto jane faktet dhe faktet na japin te drejte. Vizitoret e shumte vendas dhe te huaj, shijojne tek qyteti i Korces pikerisht impaktin, qe kane projektet tona, qe gershetojne traditen me modernen.

Se fundmi ka nje debat ne qytet, lidhur me njerin prej projekteve me te rendesishme te Bashkise, ate te rikonstruksionit te sheshit para teatrit.

Projekti i hartuar nga nje arkitekt i njohur gjermano-australian Peter Wilson, pervec elementeve te tjere te zgjidhjes dhe mobilimit urban, parashikon ndertimin e nje kulle panoramike ne qender te sheshit ( me siperfaqe 30 m2, qe te mos e ngaterroni me pallatet shumekatshe, qe permendni si fenomen shqiptar ), si nje element urban modern.

Pertej diskutimit ne nivel profesionistesh, i cili duhet te ishte ne fakt edhe diskutimi i vetem qe duhej bere, pasi arkitektura duke mos qene shkence ekzakte ta lejon kete, pra cdokush eshte i lire te pelqeje ose jo dhe te diskutoje, formen, materialin, lartesine, nga shikon kulla dhe pse shikon, ne raport me diskutimin tone, pra raportin e tradites me modernen, ketu nuk ka fare vend per diskutim.

Sheshi, me formen e tij, permasat e tij, ishte nje trashegimi e periudhes komuniste. Nje hapesire e madhe e asfaltuar ku para viteve 90, leviznin njerezit dhe ato pak makina dhe pas viteve 90, nje hapesire e madhe aspak miqesore me kembesoret, por jo me shume miqesore edhe me makinat.

Ky shesh ishte vendi ideal ku Kryetari i Bashkise, mund te kerkonte te projektonte, ashtu sic edhe kam bere, dicka moderne, e cila do ti shtonte qytetit te Korces, pervec sharmit te se vjetres, tradites, edhe ngacmimin e se rese, modernes.

I ?morem? qytetit sheshin kaotik dhe do ti kthejme brenda pak javesh hapesiren ndoshta me europiane ne vend.

Keto shembuj tregojne se ne kemi bere ne vite dhe jemi te vendosur te bejme edhe ne te ardhmen pikerisht ate te cilen ju keshilloni, pra ta shohim progresin dhe traditen te ecin bashkërisht jo si trena që përplasen.

Pavaresisht faktit qe po ju shkruaj ne FB, do te kisha deshire qe kur te ishit ne Korce, te uleshim se bashku per nje kafe dhe te diskutonim per kete teme, e cila jam i bindur se edhe nga pozicioni i filozofit edhe nga pozicioni i te zgjedhurit per te administruar qytetin, te con ne te njejtat konkluzione.