web counter
LEXO PA REKLAMA!

SHKARKO APP

App Store
Google Play

Rama kopjon Berishën/ Kërkon privatizime stategjike

14 Dhjetor 2014, 19:31, Aktualitet CNA

Gjatë vitit të ardhshëm qeveria parashikon që të fillojë privatizimin e të gjitha aksioneve shtetërore në kompanitë ku rezulton të jetë pronare.
Paratë më të shumta për arkën e shtetit priten të vijnë nga shitja e 100% të aksioneve të ?Albpetrol?-it.
Burime për Vizion Plus thonë se e aksionet e kompanisë së vetme shtetërore që prodhon naftë sot llogariten të kushtojnë 95 milion euro.
Po për këtë firmë, është bërë edhe një vlerësim i mëparshëm nga ?Patton Bogs?, firma konsulentë e cila dha asistencë në tenderin e zhvilluar gjatë qeverisë Berisha.
Por, megjithë dështimin e tenderit, oferta maksimale që nxori në atë kohë ?Patton Bogs? për vlerën e shitjes së Albpetrol ishte 250 milion euro. Privatizimi i ?Albpetrol? pritet të përfundojë në 2016-ën.
Dy paketa të tjera aksionesh që do të shiten janë përqindjet shtetërore të ?ARMO? dhe ?Albtelekom?.
?ARMO? llogaritet të shesë 15% të aksioneve shtetërore me një vlerë prej 22 milion eurosh, ndërsa Albtelekomi do të shesë 16% të aksioneve për 18 milion euro.
Një tjetër privatizim që do të nisë të behët 2015-ën është edhe kompania e sigurimeve ?INSIG?.
Shteti mendon të fitojë rreth 15 milion euro, duke qenë se borxhet dhe detyrimet që i kanë palëve të treta degë të saj kanë bërë që vlera e saj të bjerë çdo vit.





Lajmet e fundit nga