web counter
LEXO PA REKLAMA!

SHKARKO APP

App Store
Google Play

E fundit!

x

OSHEE pushon 234 punonjës/ Nuk kishin paguar dritat

7 Dhjetor 2014, 15:10, Aktualitet CNA

Nga aksioni kundër vjedhjes së energjisë elektrike, janë prekur edhe punonjësit e OSHEE, ku 234 prej tyre, kanë humbur vendin e punës, pasi janë shkarkuar për fatura të papaguara të energjisë. Administratori i OSHEE-së, Ardian Çela bëri të ditur se 234 punonjës janë shkarkuar nga detyra, pasi kanë fatura të papaguara të energjisë. Ndërkohë, Çela theksoi se operacioni kundër vjedhjes së energjisë vazhdon në të gjithë vendin, ndërsa sportelet e OSHEE-së po punojnë me orare të zgjatura për të përballuar fluksin e qytetarëve që kërkojnë të paguajnë debitë e tyre, duke përfituar nga skema e re e shlyerjes së faturave. Administratori i OSHEE-së tha se deri sot janë finalizuar 4131 aktmarrëveshje me qytetarët, ndërsa 1122 familje kanë bërë pagesën e plotë të debisë, duke përfituar 80% ulje të kamatëvonesave. Në vijim të aksionit për ndërprerjen e lidhjeve të paligjshme dhe arrestimit të përgjegjësve, ditën e djeshme ka nisur edhe shkarkimi nga puna i punonjësve të administratës që rezultojnë debitorë. I pari dikaster që mori masa konkrete ndaj punonjësve që nuk kishin shlyer detyrimet ishte Ministria e Drejtësisë. Plot 131 punonjës të Policisë së Burgjeve u shkarkuan dje nga detyra për shkak se nuk kishin paguar energjinë për periudha deri në 13 vjet.





Lajmet e fundit nga