web counter
LEXO PA REKLAMA!

SHKARKO APP

App Store
Google Play

Tommy Hilfiger lanson xhaketa me panele solare

6 Dhjetor 2014, 19:50, Aktualitet CNA

Tommy Hilfiger është një markë e njohur për sa i përket rrobave, por kësaj radhe ata po përpiqen të bëjnë bashkë modën dhe teknologjinë. Kompania kohët e fundit është bashkuar me prodhuesin e paneleve solare Pvilion dhe kanë lansuar një xhaketë. Xhaketa është e prodhuar për të dy gjinitë, një model për meshkuj dhe një për femra. Xhaketat vijnë me panele solare të instaluara përbrenda, ku përdoruesve u mundësohet të mbushin pajisjet mobile të tyre më bateri. Nga pjesa e përparme xhaketa duket krejt normale dhe me dizajn sport. Megjithatë sapo të shikoni mbrapa, panelet solare dallohen shumë mirë. Brenda kësaj xhaketë është e futur një bateri e cila është e lidhur me panelet solare dhe kur mbushet plotësisht, ajo u mundëson përdoruesve ta mbushin pajisjen e tyre shembull. 1.500mAh deri në katër herë. Megjithatë, ata nuk e kanë përmendur se sa kohë do të marrë të mbushet bateria përbrenda xhaketës nëpërmes paneleve. Xhaketa duke filluar nga madhësitë e vogla për femijë kushton nga 599$ dhe gjithashtu duhet theksuar se për momentin janë modele të limituara, kështu që nëse dëshironi të keni një të tillë mund ta porosisni nëpërmjet ueb-faqes së Tommy Hilfiger-it.





Lajmet e fundit nga