E fundit!

08:16 Ekonomi

Izolimi rajonal, 22% e qytetarëve të Ballkanit nuk udhëtojnë fare te fqinjët

Pavarësisht përpjekjeve shumëvjeçare për bashkëpunim rajon...

Elisa në “Botën e cudirave” dhe mashtrimi me cigaret kondrabandë

5 Nëntor 2014, 23:00, Aktualitet CNA

Doganat Shqiptare gjithmonë e më shumë po përpiqen të na japin lajmë bombastike për kapjen e kondrabandës apo rritjen e të ardhurave të tyre mbi planin. Por në fakt të dyja këto pika janë pjesë e një zhurme sa boshe aq dhe qesharake. Ose Elisa është në botën e cudirave, ose rubrika Cudira nga Bota ka ngelur në Drejtorinë e Përgjithshme të Doganave.

Për rritjen e te ardhurave edhe vetë Elisa shprehet me bashkepunëtorët në menyrë konfidenciale se disa muaj bëhet plani e disa jo. Rritjet e akcizës së duhanit dhe karburanteve, në mënyrë të vecantë edhe njoftimi i këtyre taksave përpara hyrjes në fuqi të ligjit, ka sjellë rritje të importeve dhe rritje të të ardhurave në dogana. Pra nuk është meritë e punës së Elisës aq më pak e strukturave të saj, por është rrjedhojë e veprimeve të biznesit.

Pjesa e te ardhurave dhe planit, në vecanti gëshnjeshtrat dhe show në dogana, janë folur shpesh në media, por edhe nga politika. Fakt që ne ende nuk ishim përplasur është se sot Elisa dhe stafi i saj na japin lajme te cilat as vetë ai që i shkruan nuk i beson. Ndoshta Elisa dhe cuditë e saj nuk do kenë të sosur por që një pakëtë cigare të kushtojë 10.7 EURO tashmë nuk përbën cudi për doganat.

Ky lajm është dhënë nga doganat jo dy ditë më parë, por media ka qenë e pavemendshme për ti bërë një analizë lajmit. Më poshtë po japim lajmin e plotë sipas Drejtorisë të Përgjithshme të Doganave dhe linkun:

Sekuestrohen cigare dhe goma të përdorura kontrabandë në Kakavijë.

Publikuar të Mar, 04/11/2014 – 18:04

Ditën e sotme Dega Doganore Kakavijë ka bërë të mundur goditjen e dy rasteve të kontrabandës së mallrave në doganë, cigareve dhe gomave të përdorura.

Goditja e parë ka të bëjë me zbulimin dhe më pas sekuestrimin e një sasie të konsiderueshme cigaresh kontrabandë. Nga një kontroll i ushtruar nga doganierët e pikës së hyrjes në autobusin me targa ZMK 5187 të shoqërisë ?Joana Travel?, u gjetën dhe më pas sekuestruan 108 steka me cigare të markës ?Marlboro?. Ky mall po tentohej të futej kontrabandë në territorin shqiptar, i padeklaruar më parë në doganë. Vlera e cigareve të sekuestruara nga ana e autoriteteve doganore arrin në 11.550 Euro. Malli është sekuestruar nga ana e autoriteteve doganore të cilat po kryejnë procedurat operative.

Ky është linku deri në publikimin e lajmit pasi edhe mund të korrigjohet nga stafi. Në fakt korrigjimi i te tilla brockullave mediatike dhe mospërsëritja e tyre është edhe qëllimi I këtij materiali të shkruar nga stafi i cityfm.al

http://www.dogana.gov.al/node/916

Elisa në botën e cudirave na thotë se janë kapur 108 steka cigare ?Marlboro? kondrabandë. Bravo, por keni bërë detyrën për të cilën merni rrogën dhe asgjë më shumë, për më tepër në informacionin tuaj kërkoni edhe të gënjeni.

Ju thoni në publikimin tuaj: ?Vlera e cigareve të sekuestruara nga ana e autoriteteve doganore arrin në 11.550 Euro?. Por shifra që jepni është thjesht një mashtrim ose shumë për të ngritur fiktivisht shifrat e kapjes nga doganat.

108 skteka janë 1080 pakëta cigare.

11.550 euro po ti pjestojme me 108 steka del shuma prej 106.94 euro steka e cigareve.

Duke vazhduar veprimet na del se, sipas shifres të dhënë nga Bota e Cudirave ne Doganën Shqiptare, një pakete e kapur kushton 10,69 euro. Në fakt paketa më e shtrenjte në Malboro nga vendi qe po vinte ky mall, në Greqi është 3.8 euro, pra rreth 3 here me lire. Shuma prej 3,8 euro është ajo që shitet në dyqan me pullë fiskale të shtetit grek. Ndërkohë cigarete po ?Marlboro? që shiten në Duty Free Shop e cojnë diferencen e cmimit rreth 5 herë më pak. Keto jane dhe cigarette e e kapura nga doganat. Te cilat duken ne foto dhe ato shiten me oferta ne paketime me 3 steka.

Vlera reale e kapur nga doganat eshte tek shifra 2300 deri 2500 euro, jo 11.550 sa pretendohet. Shifra e shpallur publikisht shërben vetëm për atë që thamë pak më lart. Pra rritjen fiktive të vlerës së sasisë të mallrave kondrabandë të kapur në dogana.

Shifra 2300 deri ne 2500 euro është më prane tregut dhe realitetit, këtë e verifikon lehtësisht në Tiranë tek cigarete ?Marlboro? pa pullë që i gjen kudo. Ato shiten 350 lekë të reja osë 3500 të vjetra, ndërkohë llogaria e Elisës dhe Cudirave nga doganat na nxjer shifrën 1.496 lekë tëe reja ose afërsisht 15 mijë të vjetra një paketë. Por në Tiranë gjen lehtësisht edhe cigare me pulle takse të shtetit grek që e treguam me lart, te cilat ne Greqi kushtojne 3.8 euro dhe në Tiranë shitet 650 ? 700 lekë të reja.

Llogaritë në dogana ose i bëjnë analfabetë, ose demagogjia e Botës së Cudirave nuk paska fund. Të mashtrosh në këtë mënyrë pa asnjë arsye, për të shitur sukses një punë të përditshmë rutinë në dogana, tregon se në cfarë situatë dhe në duart e kujt ndodhen doganat shqiptare. Te cilat pritet qe planin ta tejkalojne me 110% dhe si medalje kane genjeshtrat e perditshme.

Elvi FUNDO