E fundit!

09:37 Ekonomi

Turizmi në rritje/ Kostoja e jetesës sfidon pushimet për shqiptarët

Statistikat e INSTAT për muajin maj tregojnë një rritje të...

Rrëfimi/ Konstandini kërkoi kokainë. Pastaj ndodhën vrasjet

4 Nëntor 2014, 23:00, Aktualitet CNA

Zbulohet kronologjia e ngjarjes së rëndë ndodhur mëngjesin e djeshëm në një lokal nate, ku humbën jetën katër persona. Një prej personave që u dyshua dje fillimisht si përfshirë në ngjarje, Alban Ballcaj u la sot i lirë pas dëshmisë dhe të dhënave hetimore.

18-vjeçari është njëherësh djali i tezes i viktimës Arbër Demiraj, djali i ish-prokurorit të Apelit. Në dëshminë e dhënë të Alban Ballcaj, tregohet sesi nisi ngjarja dhe cili ishte shkaku, që precipitoi deri në gjuajtjen me armë nga Konstandini.

Si ka nisur konflikti para se të ndodhte vrasja?

Alban Ballcaj: Ne kemi qenë të ulur në një tavolinë. Unë, Arbri, Konstandini dhe Eraldi. Shumë pranë nesh në një tavolinë tjetër, kanë qenë ulur dy presona të tjerë, më të mëdhenj në moshë se ne, por unë nuk i njoh, nuk i kisha parë ndonjëherë. Konstandini ka folur me njërin prej këtyre dy djemve, ka folur disa herë. Dukej sikur njiheshin. Më vonë, atëherë nga fundi, kur lokali gati po mbyllej, Konstandini pati një debat për çështje malli me njërin prej tyre.

Alban Ballcaj: Me sa kujtoj unë, Konstandini i kërkoi atij personit tjetër një sasi kokaine, por duke qenë se nuk kishte shumë para me vete, i tha se do t?ia jepte nesër. Por i tha se duhet ta besonte, pasi nuk ishte dokushdo. Madje i dha edhe kartën e identitetit. Pas këtij momenti nis sherri: Kush je ti? Kush jam unë? Ç?të duket vetja ty? Derisa pastaj përfunduan duke bërë sherr. Konstandini tha: ?Ja se ta tregoj tani se kush jam?? dhe doli jashtë.

Çfarë ndodhi pasi doli Konstandini?

Alban Ballcaj:: Bashkë me Arbërin u munduam të qetësonim situatën. Duke e ditur që Konstandini ishte gjaknxehtë, nuk donim që të trashej më shumë situata. Iu folëm atyre djemve dhe iu thamë ose të iknin ata, ose po iknim ne, që të mos kthehej më Kosntandini brenda. Por ai erdhi shumë shpejt.

Po më pas?

Alban Ballcaj: Sapo hyri në lokal ka qëlluar disa herë, sa nuk e di saktësisht, atë personin që bëri sherr para se të dilte. Më pas atë tjetrin që ishte me të. Nuk e di se çfarë ndodhi, por pashë që edhe Arbri nuk po lëvizte dhe ishte i gjakosur. Bërtita dhe kërkova ndihmë.

Arbëri kishte vdekur?