E fundit!

12:44 Politikë

Skana gozhdon Gjonin: Deputeti part time që i qan zemra për Mirditën, po deformon realitetin

Zëvendësministrja e Mbrojtjes, Pranvera Skana, i është për...

Lidhjet e Lulzim Bashës me Fazlliçin përmes kunatit

25 Tetor 2014, 22:00, Aktualitet CNA

Nga Lindita Çela, Lawrence Marzouk dhe Besar Likmeta, BIRN

Erion Isufi, motra e të cilit është bashkëshortja e Bashës, Aurela, qe punësuar si administrator i tri kompanive nën pronësinë e Fazlliç: Crown Acquisitions, Virtu Acquisitions dhe SRF Developments.

Kompanitë qenë krijuar nga sekseri boshnjako-britanik në vitin 2005, pas fushatës së suksesshme elektorale të Sali Berishës i cili në atë vit u bë kryeministër.

Fazlliç qe një këshilltar për fushatën elektorale dhe punoi krahas ?mikut të tij? Basha, në atë kohë një yll politik në ngritje.

Basha u bë Ministër i Transportit dhe Telekomunikacionit, ppara se të fitonte garën për t?u bërë kryebashkiak i Tiranës më 2011. Ai mori kreun e Partisë Demokratike vitin e kaluar pasi Berisha dha dorëheqjen në përfundim të disfatës në zgjedhjet parlamentare.

Lidhjet e Isufit me Fazlliç fillimisht u shfaqën kur një hetim për pastrim parash u hap në lidhje me shitjen e kompanisë së bosnjakut Croën Acquisitions te kompania e regjistruar në Qipro Altaria Research Limited. Akuzat u rrëzuan pasi prokurorët nuk arritën të sigurojnë materialet kyçe nga Qipro.

Isufi, i cili nuk qe kurrë i dyshuar, shpjegoi në atë kohë se ai pati qenë një administrator i kompanive dhe jo një partner biznesi, ka hequr dorë nga ky rol në vitin 2007.

Pak gjëra dihen mbi sipërmarrjet e tjera të Fazlliçit në Shqipëri, por dokumente të siguruara nga BIRN nga dosja e prokurorisë zbulojnë për herë të parë se një tjetër nga firmat e tij, SRF Developments, gjithashtu e administruar nga Isufi, qe aktive, duke shpenzuar gjysmë milioni euro në vitet 2006 dhe 2007 përmes dy llogarive në Raiffeisen Bank.

Sipas të dhënave të llogarisë bankare të SRF Developments, Isufi tërhoqi 56 mijë dollarë në para të thata gjatë kësaj periudhe.

Nuk dihet se çfarë aktivitetesh biznesi po kryente SRF Developments dhe as se për çfarë arsyeje Isufi tërhoqi paratë kesh. Isufi refuzoi të komentojë kur u pyet.

Një dokument tjetër bankar zbulon se si Isufi bleu një apartament luksi për motrën e tij, Aurela, dhe veten, në vitin 2008. Apartamenti në kompleksin turistik Laguna Blu, pranë Qerretit, në Durrës, është pjesë e një lagjeje të rrethuar të pasurish ku kanë shtëpi pushimi shumë politikanë, biznesmenë apo gazetarë i fërkojnë krahët njëri-tjetrit. Pronësia e pjesës së saj u deklarua në deklaratën e pasurive të Aurelës dhe bashkëshortit të saj.