Ndjesë! Edhe për Idrizin…?

4 Tetor 2014, 22:00, Opinione CNA

PDIU dhe kryetari i saj Shpëtim Idrizi iu bashkuan zyrtarisht qeverisë duke i garantuar kryeministrin Rama një supermazhorancë të frikshme. Kjo është një tjetër humbje njëherazi edhe përgjegjësi e partisë më të madhe të opozitës PD nga lista dhe vota e të cilës z.Idrizi është sot në parlament dhe qeveri. Lenia e aleatëve në lisat të PD dhe importimi nga PS-ja te disa kandidaturave janë vlerësuar si shkaqe të humbjes dhe thellimit te saj të përditshëm nga trafiku i deputeteve si ky kalim majtas i PDIU dhe Idrizit .

Në fakt përfshirja e krerëve të partive aleate në listat e PD-se u kundërshtua fort nga baza e sajë por pa mundur ta ndalojë. Në këtë këndvështrim përfshirja e tyre në listat zgjedhore të PD-së është shprehja më e qartë e arrogancës që kjo parti manifestoi në fund të mandatit të dytë qeverisëses, shkaku kryesor i humbjes drastike të qershorit 2013 por edhe thelbi i ndjesës së Bashësh në Kuvendin Kombëtar të PD . Duhet thënë që me gjithë humbjen e thellë të qershorit 2013 PD do të kishte mundur të qëndronte si opozitë e fortë në se nuk do të ishte viktimë e gabimeve dhe arrogancës së saj, kryesisht në importimin në lisat të individëve me pak apo aspak lidhje me të.

Idrizi nuk është i pari deputet në parlament nga votat e PD-së qe i bashkëngjitet kundërshtarëve të sajë politikë. Më parë Gjovalin Kadeli i njohur si ekstremist i majtë, ish deputet i PS në mandatin e kaluar , u doli deputet nga listat dhe votat e PD-së ne Lezhe duke lënë jashtë listës e parlamentit figura të spikatura të PD-së nga ky qark. Nard Ndoka, kryetari i PDK ishte një tjetër aleat i përfshirë në listat e PD qe ka thyer bojkotin e shpallur nga opozita me pjesëmarrjen në parlament duke i garantuar Ramës një opozitë fantazmë njëherazi edhe një karshillëk PD-së dhe votuesve te saje ne zonën ku ai kandidoi . Megjithëse jo korrekte politikisht , nuk do të dukej aq kalimi i aleatëve te PD-së ne qeveri ne se ata nuk do te kishin marre votat e saje për të qenë në parlament . Pikërisht ky fakt e bën krejtësisht imorale sjelljen me shumë se politike të z. Idrizi por rrit gjithashtu edhe përgjegjësinë e ish lidershipit demokrat për këtë gjendje.

Po merrem me PD pasi në asnjë rrethanë nuk ia vlen të merresh me z. Idrizi për këtë çështje . Inkuadrimi ne qeverinë Rama i z. Idrizi përbën faktikisht një tradhti për atë kauzë që janë votuar katër deputetet e tjerë te PDIU, ?Çështjen Çame? . Mjaftojnë vetëm dy argumente për ta kuptuar e vërtetuar këtë . 1- Qenia ne te njëjtën qeveri me grekët e Vangjel Dules nuk mund të justifikohet , jo për faktin se ta janë grekë e këta çamë por edhe për shkak të qëndrimeve të hapura anti-çame që Dule dhe partia e tij kane mbajtur në mënyrë permanente në politikën e Shqipërisë . PBDNJ nuk ka votuar asnjë nga ligjet apo rezolutat për Çamërinë në parlament ndërkohë që drejtues e përfaqësues politik të sajë janë kundërshtarët më të mëdhenj të Çështjes Çame. 2- Qeveria Rama në dokumentin me zyrtar te sajë , programin e qeverisë , ka deklaruar ?zero probleme me fqinjët? qe do te thotë se nuk e njeh fare Çështjen Çame , për të cilën PDIU ka marrë katër deputetet , përveç Idrizit që ka dalë nga votat e PD. Por fakti që z. Idrizi është çam dhe kryetari i partisë çame PDIU , e ve atë përballë një çështjeje që për votuesit e partisë se tij është më shumë se politike , është plaga e hapur nga plumbat , hanxharët thikat e bajonetat greke që nxirrnin edhe foshnjat nga barku i nënave e zjarreve qe digjnin prona e shtëpi , një çështje qe nuk mund të shitet e të këmbehet me asgjë, për më tepër me tre zëvendësministra apo me disa drejtori dhe një pushtet i ndarë me grekët. Ky moment është me shumë se një handikap një raport problem e përballje e Idrizit me çamë, të gjalle e të vdekur, kauzës së te cilëve u ka dhënë ndoshta goditjen më të rëndë në këto 24 vjet të artikulimit publik të sajë.

Duke dashur të mos bëhem ?më çam se Idrizi? , le të kthehemi tek objektivi i këtij shkrimi që është shpërdorim i besimit dhe votave te elektoratit demokrat me vendime arrogante si përfshirja në listat e PD të Idrizit, Kadelit, Ndokës etje aleatë e ish-kundërshtarë politikë besnikëria dhe morali politik i të cilëve e ka thelluar edhe me shumë humbjen e sajë. Por ?tradhtia? e Idrizit dhe të tjerëve deputete me vota të PD shkon se pari ne dem te elektoratit i cili po përballet me abuzimet dhe pushtetin agresiv të një supermazhorance që nuk e ka votuar . Ajo i ka dhënë PD dhe opozitës aq vota sa e ka menduar por sigurisht nuk ka llogaritur që këto vota do ti shkonin qeverisë gjë që po ndodh për shkak të politikave, marrëveshjeve dhe përzgjedhjeve te gabuara të liderëve të opozitës . Si përfundim dua të theksoj se demi nga politika si këto me Idrizin ne listën e PD kanë efekte e shkaktojnë dëme përtej interesave politike të PD. Qytetarët veçanërisht votuesit e PD kanë të drejtë të kërkojnë shpjegim për to pasi ,nga këto veprime , vota e tyre është tjetërsuar e jeta e tyre është vështirësuar . Në se nuk e morën paraprakisht tani këtë shpjegim do ta bëjnë nesër më votë. Me që ?ndjesa? , që pas kuvendit nuk është me një tabu në PD, dikush duhet të ndjejë përgjegjësi e të kërkojë ndjesë edhe për Idrizin.