Kur të fortët janë antiligjorë, kjo nuk është përballje, por krim

28 Shtator 2014, 22:00, Opinione CNA

Nga Spartak NGJELA

Kur jeta bëhet e fortë, të fortët duhet të përballen me të. Kur të fortët janë antiligjorë, kjo nuk është përballje, por krim. Të fortët duhet të jenë burrat e shtetit që i drejton moraliteti në drejtimin e një shoqërie, sepse ata që priren nga krimi, janë të dobtit. Sot, ne shqiptarët jemi në vështirësi të mëdha, domethënë jeta ështrë berë e forte; por, ku janë të fortët? Drejtuesit janë njerëz të dobët, sepse ata kanë ardhur në pushtet për kundër moralitetit: amoraliteti kurrë nuk ka qënë forcë por dobësi. Vijimisht këta kanë grabitur me forcën e pushtetit, dhe pastaj kanë dominuar sistemin.Ç? duhet bërë sot? Iu duhet treguar vendi grabitësve, dhe duhet vendosur moraliteti në qeverisjen shqiptare.
E gjithë historia jonë diktatoriale dhe kjo postdiktaturë është një histori e trishtë moskomunikimi. Kjo mungesë komunikimi ka sjellë vijimisht një krizë perpetuale, e cila ka frenuar zhvillimin kombëtar dhe ka pasuruar poltikanët e korruptuar apo qeveritë e korruptuara. Kjo është arsyeja që, nëse nuk arrijmë që të vendosim një komunikim të ri, nuk do të jemi në gjendje të krijojmë sistemin demokratik që do të na duhet për të arriutur parametrat e zhvillimit modern të tregut dhe shtetit shqiptar; dhe as që do të mund të krijojmë dot mundësinë reale për të hyrë në strukturat e Bashkimit Europian? Kështu, urgjentisht na duhet të krijojmë një komunikim të ri: juridik, politik dhe moral.
Modernitet do të thotë të dish të komunikosh paqësisht për çeshtjet e rëndësishme dhe të dish të lartësosh personalitetin e individit. Komunikimi i ri juridik është reforma në sistemin legal dhe në drejtësi; e cila do t?i hapë rrugën komunikimit politik. Sot në Shqipëri nuk funksionon komunikimi poltik sepse agresiviti vejn nga poltikanët e inkriminuar që drejtojnë majat piramidale të formacioneve politike, dhe që kanë qeverisur vendin patologjikisht dhe jo racionalisht. Frenimi i tyre është goditja e krimit shtetëror, që është refleks direkt i reformës në drejtësi. Por, pasi të jetë vendosur komunikimi modern politik si luftë idesh dhe jo si luftë njerëzish, patjetër që do të vijë e do të ngjizet në shoqërinë shqiptare komunikimi moral. Moraliteti është dodmsdoshmëri shoqërore në Shqipërinë e sotme, por nëse nuk janë sistëmuar dy komunikimt, juridik dhe politik, asqë mund të mendohet të fillojë komunikimi moral i shqiptarëve në shtetin e tyrë. Por, a mund të bëhet kjo me këtë gjendje amorale që kemi? Është shumë e vështirë, por, duhet ta kuptojmë mirë se, perëndimorët, kur bejnë presion për reformën në drejtësi, patjetër që kuptojnë komunikimin e ri juridik të shoqërisë shqiptarë. Më këtë sistem legal që kemi, dhe me këtë pushtet gjyqësor që vepron, kurrë nuk mund të vendoset moraliteti në këtë vend. Rëforma në drejtrësi, siç e kam thënë shpesh, është ndërrimi i sistemit totalitar që kemi në drejtësinë shqiptare. Koha ka ardhur, dhe të tremburit po sokëllijnë? ata nuk e duan kurrë reformën për një komunikim modern në shoqërinë shqiprtarë. ( E patë si sokëllinte në gjendje të marrë Saliu dje?) Sepse kanë mallin e grabitur, kanë me vete pallatet e paligjshëm që mendojnë vërtet se i kanë pronë; sepse janë pasuruar nga marrëzia dhe jo nga intelekti; prandaj janë inkriminuar. Por, gjithçka duket se do të mbetet në presionin e vazhdueshëm të perëndimoreve, dhe në ndiesinë e shqiptarëve. Presioni i pandërprerë i perëndimorëve do të nxisë shqiptarët që ta krijojnë vetë mundësinë e kapërcimit të këtij ?lumi? amoral. Për këtë jam i bindur?Mjerë ata të korruptuar që s?e kuptojnë !