E fundit!

16:05 Politikë

Rama për protestat: Në bulevard edhe turistë të shtirur, lëpijnë e pickojnë tubuesit e sinqertë

Kryeministri Edi Rama ka reaguar sërish lidhur me protesta...

Presidenti Nishani i drejtohet Kushtetueses për KLD

22 Shtator 2014, 09:36, Politikë CNA

Presidenti Bujar Nishani ka vendosur që t?i drejtohet Gjykatës Kushtetuese, duke kërkuar shfuqizimin e nenit 7 të ligjit për KLD-në, miratuar së fundmi nga mazhoranca.

Sipas Nishanit, ndryshimi i miratuar nga mazhoranca i kufizon atij zgjedhjen e zëvendëskryetarit të KLD nga anëtarët e zgjedhur nga Kuvendi, duke shkelur Kushtetutën.

?Presidenti i Republikës, Sh.T.Z Bujar Nishani i është drejtuar sot Gjykatës Kushtetuese me një kërkesë për shfuqizimin si të papajtueshëm me Kushtetutën, të nenit 7 të ligjit nr. 101/2014 ?Për disa shtesa dhe ndryshime në ligjin nr.8811, datë 17.5.2001, ?Për organizimin dhe funksionimin e Këshillit të Lartë të Drejtësisë?, i ndryshuar.

Me anë të kësaj kërkese, Presidenti Nishani kërkon gjithashtu pezullimin e dispozitave të këtij ligji deri në marrjen e një vendimi përfundimtar nga Gjykata Kushtetuese si dhe i kërkon kësaj trupe që t?i drejtohet Komisionit të Venecias në mënyrë që të japë një opinion të specializuar në lidhje me ligjin në fjalë, referuar objektit të ankimit,? thuhet në njoftim për shtyp.

Në kërkesën e tij, Kreu i Shtetit thekson se ligji u rikthye për rishqyrtim në Kuvend pasi në ndryshimet në ligjinnr.8811,datë17.05.2001?Për organizimin dhe funksionimin e Këshillit të Lartë të Drejtësisë?, i ndryshuar?, parashikohej se ?Këshilli i Lartë i Drejtësisë, me propozim të Presidentit, zgjedh nga radhët e anëtarëve të zgjedhur nga Kuvendi një Zëvendëskryetar?.

Ky ndryshim bie ndesh me nenin 147 pika 3 të Kushtetutës; i kufizonkompetencënPresidentit të Republikës, në cilësinë e Kryetarit të Këshillit të Lartë të Drejtësisë, për të propozuar si Zëvëndës kryetar cilindo nga anëtarët e këtij Këshilli dhe i heq të drejtën që i ka dhënë Kushtetuta anëtarëve nga radhët e gjyqsorit për t?u propozuar si Zëvëndëskryetar iKLD-së.

Kushtetutëbërësit e kanë lënë në vlerësimin e Presidentit të Republikës dhe të Këshillit të Lartë të Drejtësisë zgjedhjen e Zëvendëskryetarit, i cili mund të jetë si nga radhët e gjyqtarëve të zgjedhur nga Konferenca Kombëtare Gjyqësore ashtu edhe nga radhët e anëtarëve të zgjedhur ngaKuvendi.

Neni 147, pika 3 e Kushtetutës nuk përmban elementët e një norme referuese, por është një normë që kërkon zbatim të drejtpërdrejtë, pra me anë të kësaj dispozite kushtetutëbërësi e ka marrë vetë përsipër të rregullojë zgjedhjen e Zëvendëskryetarit të KLD-së. Ligjvënësi mund të bëjë shtesa dhe ndryshime në ligje, por pa cënua rrregullimet tepër specifike kushtetuese për natyrën e funksionimit dhe përbërjen e Këshillit të Lartë të Drejtësisë.

Sipas Nishanit, zbatimi i këtij ligji do t?u hiqte të drejtën anëtarëve të KLD-së të zgjedhur nga vetë gjyqtarët për t?u propozuar në postin e Zëvëndëskryetarit të KLD-së, ndërkohë që KLD është krijuar me qëllim për të ruajtur pavarsinë e gjyqësorit nga ndërhyrjet e mazhorancës në parlament apo abuzimet e politikës.

Fakti,që ka një përpjekje të menjëhershme të mazhorancës në Parlament për të shkarkuar dyanëtarë të KLD-së të zgjedhur nga Kuvendi i Shqipërisë dhe për t?i zëvëndësuar nga të tjerë, por të zgjedhur nga mazhoranca qeverisëse, është e qartë që jemi para një cënimi nga ndërhyrja e mazhorancës parlamentare në përbërjen e KLD-së dhe më tej në orientimin që medoemos Zëvëndëskryetari i KLD-së të jetë i zgjedhur pikërisht nga tre anëtarët që do të zgjidhen nga kjo mazhornacë parlamentare, duke i kufizuar kompetencat e Kryetarit të Shtetit, duke i hequr të drejtat e ligjshme gjyqtarëve, anëtarë tëKLD-së dhe duke vënë nën presion politik organin e krijuar për të mundësuar ruajtjen e pavarësisë së gjyqësorit dhe mundësuar eficiensën e funksionimit të drejtësisë.

Me qëllim të një vlerësimi sa më të drejtë dhe referuar standarteve ndërkombëtare, Presidenti i Republikës i kërkon Gjykatës Kushtetuese që t?i drejtohet Komisionit të Venecias në mënyrë që të japë një opinion të specializuar në lidhje me ligjin në fjalë, referuar objektit të ankimit