web counter
LEXO PA REKLAMA!

SHKARKO APP

App Store
Google Play

E fundit!

x

Arrestohet miliarderi rus. Skenar alla Putin

18 Shtator 2014, 07:19, Kosova & Bota CNA

Miliarderi rus, Vladimir Yevtuchenkov është vendosur në arrest shtëpie, i dyshuar për pastrim parash.

Aksionet e perandorisë së tij kanë rënë pikiatë.

Bursa e Moskës u detyrua që të ndalojë përkohësisht tregtinë me aksionet e Sistema, ndërsa aksionet e grupit ranë me 37 përqind.

Një zëdhënës i presidentit rus, Vladimir Putin ka mohuar se pas arrestimit të 65- vjeçarit qëndrojnë motive politike.

Yevtushenkov ka një pasuri të përllogaritur në 4.4 miliardë dollarë, sipas Forbes.

Grupi i tij AFK Sistema ka në pronësi operatorin më të madh të telefonisë së lëvizshme në Rusi, MTS, si dhe firmën e naftës, Bashneft.

Aksionet e Bashneft po ashtu ranë me 20 përqind të mërkurën dhe tregtia e tyre u kufizua përkohësisht.

Raportohet se miliarderi po hetohet për pastrim parash në lidhje me privatizimin e paligjshëm të aseteve të grupit BashTek në republikën ruse të Bashkortostanit.

Në vitin 2009, Sistema bleu gjashtë kompani të BashTek.

Sistema bëri të ditur se blerja ka qenë e ligjshme dhe transparente.

Nëse gjendet fajtor, miliarderi rrezikon deri në dhjetë vite burg.

Sipas BBC, arrestimi i tij është krahasuar me arrestimin e një tjetër miliarderi, Mikhail Khodorkovsky në vitin 2003.

Ish- pronari i gjigandit të naftës Yukos kaloi dhjetë vite në burg dhe u lirua vetëm dhjetorin e shkuar.

Yukos u ble nga Rosneft, që tani është edhe prodhuesi më i madh i naftës në botë.

Kompania shtetërore Rosneft, që kontrollohet nga një aleat i ngushtë i Putin, thuhej se do blinte kompaninë Bashneft.





04:22 Kosova & Bota

Frika nga "ariu rus"

Vendet e Evropës Lindore janë të shqetësuara nga politika e ...

04:21 Kosova & Bota

Martesë pa pasion

Evropianët dhe amerikanët po shkëputen politikisht nga njëri...

Lajmet e fundit nga