E fundit!

21:26 Politikë

Balla reagon ndaj Athinës: Narta është tokë shqiptare, autoktone

Kryetari i Grupit Parlamentar të Partisë Socialiste dhe Dr...

Shtëpisë së ministrit Veliaj i dyfishohet çmimi një muaj pas blerjes

14 Shtator 2014, 12:15, Aktualitet CNA

Ministri i Mirëqënies Sociale, Erjon Veliaj deklaron se ka blerë një apartament banimi më 13 shtator të vitit 2013, në vlerën 5 milion e 115 mijë e 200 lekë. Por, sipas deklaratës, kjo banesë është rivlerësuar në shumën 12 milion e 810 mijë e 240 lekë më 3 tetor 2013, vetëm pak ditë përpara se Veliaj të merrte detyrën e ministrit.

Investigim.al

Ministri i Mirëqënies Sociale, Erjon Veliaj, i vënë në qendër të debatit publik pas aktivitetit kulturor ?TRAKU Fest?, i zhvilluar në qytetin e Gjirokastrës, rezulton të ketë një pasuri modeste. Investigim.al zbardh deklaratat e pasurisë që ministri Veliaj ka nënshkruar pranë Insepktoriatit të Deklarimit dhe Kontrollit të Pasurive, ku rezulton se ai ka një apartament banimi, dy automjete dhe disa llogari bankare. Sipas deklaratës së pasurisë rezulton se ministri Veliaj ka blerë një apartament banimi më 13 shtator të vitit 2013, në vlerën 5 milion e 115 mijë e 200 lekë, por në më pak se një muaj, banesa është rivlerësuar me dyfishin e çmimit që ishte blerë nga ministri Veliaj. ?Shuma e paguar 5.115.200 lekë. Rivlerësuar më datë 03.10.2013 me 12.810.240 lekë?, shkruan Veliaj në deklaratën e pasurisë. Në të gjitha rastet, burimi i pasurisë kanë qenë të ardhurat nga paga, ndërsa për blerjen e apartamentit Veliaj ka deklaruar si burim të ardhurash shitjen e një banese të mëparshme. Sipas Insepktoriatit të Pasurive mësohet se ministri Veliaj ka bërë dy deklarata pasurie. Deklarata e parë është bërë më 16 tetor të vitit 2013, përpara marrjes së detyrës së ministrit të Mirëqënies Sociale, ndërsa deklarata e dytë është bërë më 31 mars 2014. Sipas dokumenteve që Investigim.al disponon rezulton se ministri Veliaj ka një apartament banimi të blerë në vitin 2013, dy automjete dhe 6 llogari bankare. Për njërën prej llogarive ministri deklaron se është paksuar në minus 3.05 euro.

Deklarata e datës 16 tetor 2013

Apartament banimi me sipërfaqe 111.20 metra katrorë në rrugën ?Hoxha Tasim?, e blerë me kontratë shitje-blerje, në datën 13.09.2013. Burimi i krijimit: Të ardhura nga shitja e apartamentit të zotëruar nga prindi dhe paga. Shuma e paguar 5 milion e 115 mijë e 200 lekë. Rivlerësuar më datë 03.10.2013 me 12.810.240 lekë.

Automjet tip ?Peugeot?, prodhim i vitit 2008, blerë më 17.04.2008. Shuma e paguar 23 mijë euro. Burimi i krijimit: Të ardhura nga paga.

Automjeti tip ?Volkswagen Tuareg?, prodhim i vitit 2003, blerë më 10.09.2013. Shuma e paguar 6 mijë euro. Burimi i krijimit: Të ardhura nga paga.

Llogari bankare Instesa San Paolo në euro. Gjendja 5 mijë e 290 euro.

Llogari bankare Intesa San Paolo në dollarë. Gjendja 7 mijë e 500 dollarë.

Burimi i krijimit: Të ardhura nga paga.

Deklarata e datës 31 mars 2014

Llogari bankare Instesa San Paolo në euro, gjendja 5.294.95 euro. Burimi i krijimit: Të ardhura nga paga.

Llogari bankare Intesa San Paolo, gjendja 7.503.51 USD. Burimi i krijimit: Të ardhura nga paga.

Llogari bankare Credins Bank, gjendja 168.168.57 lekë. Burimi i krijimit: Të ardhura nga paga.

Llogari bankare Credins Bank, gjendja 209.08 euro. Burimi i krijimit: Të ardhura nga paga.

Llogari bnkare Credins Bank, gjendja minus 3.05 euro. Burimi i krijimit: Të ardhura nga paga.

Paga mujore si ministër i Mirëqënies Sociale dhe Rinisë, 595.000 lekë bruto.