E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

KLSH: Ja shkeljet e FULLANIT

12 Shtator 2014, 14:56, Aktualitet CNA

Vizion Plus ka publikuar raportin e plote të Kontrollit te Larte te Shtetit mbi auditin e ushtruar ne Bankën e Shqipërisë, lidhur me shkeljet qe janë konstatuar një vit me pare ne institucionin monetar, raport i cili sot kërkohet edhe nga Prokuroria.

Ne këtë audit janë evidentuar shkeljet qe janë kryer me rikonstruksionin e tre godinave ne pronësi te Bankës se Shqipërisë, për te cilat janë tejkaluar afatet e ndërtimit e tyre.

Për këtë, KLSH ka evidentuar se ne kontratat e lidhura me sipërmarrësit, nuk ka penalitete ne raste te tejkalimit te afateve, çka do te thotë kostot e qirave qe arrijnë qindra milionë leke, paguhen nga banka.

?Nga auditimi mbi zbatimin e kontratave të ndërtimit si: ?Realizimi i disa punimeve shtesë në ndërtesën e re të DE?, ?Realizimi i punimeve shtesë për rikonstruksionin e godinës qendrore dhe ndërtimin e kompleksit të ri të Bankës së Shqipërisë?, është konstatuar se janë tejkaluar afatet e përfundimit të punimeve.

Gjithashtu ka rezultuar se, pavarësisht identifikimit të arsyeve objektive ose jo të mosrealizimit të kontratave brenda afateve, jo për çdo kontratë janë bërë ndryshimet e tyre për pjesën e shtyrjes së afateve me miratimet sipas kompetencave.

Në tenderin e realizuar ?Realizimi i punimeve të prishjeve ndërtimore në godinën e ish-Hotel Dajtit?, është shtyrë procedura e tenderimit për arsye të mosplotësimit të kuorum-it.

Relacioni i shkruar për shtyrjen e procedurës është mbajtur në formën e një Libri protokolli të mbledhjeve, i cili mbahet për periudha më të gjata se një vit. Komisioni i Prokurimit duhet të merrte vendimin për shtyrjen e procedurave të prokurimit dhe ta shoqëronte me procesverbalin përkatës.

Kjo përbën shkelje të Rregullores së BSH ?Për Procedurat e prokurimit në Bankën e Shqipërisë?, neni 40: ?Vendimi për shtyrjen e procedurës së prokurimit për shkaqet e mësipërme duhet të shoqërohet me procesverbalin përkatës?, thuhet në raportin e KLSH-së

Qe një vit me pare, KLSH i kërkoi Bankës se Shqipërisë qe te nxjerre përgjegjësitë per këtë situate, pasi efekti i qëndrimit te stafit ne ambiente me qira ka një kosto shume te larte:

?a. Për të gjitha rastet e identifikuara të kontratave të papërfunduara dhe me tejkalim të afateve, të analizohen shkaqet, të përcaktohen dhe kontabilizohen penalitetet që duhet t?i kërkohen sipërmarrësit për mosrealizim të punimeve në kohë apo ndërprerje që vonojnë realizimin e veprës.

b. Duhet të vlerësohet kostoja opportune e pagesave të qirasë të cilat vazhdojnë të paguhen nga Banka e Shqipërisë, ndërkohë që për kohën e shtyrjes së kontratave kjo kosto duhet t?i ngarkohet sipërmarrësit që nuk ka realizuar në kohë projektin ose në se janë fajtorë persona brenda BSH-së të përcaktohen këto përgjegjësi që efekti të mos rëndojë në rezultatin e Bankës.

c. Për rastet e justifikuara të hartohet dokumentacioni përkatës dhe të miratohen afatet për periudhat në vazhdim, duke vënë para përgjegjësisë palët kontraktore për realizimin plotësisht të kontratave të lidhura në cilësinë e kërkuar dhe kohën e përcaktuar?, vijon raporti.

Raporti sqaron me tej edhe përfitimet e padrejta te 16 punonjësve te Bankës Qendrore te cilët kane shkaktuar një dem prej 200 mije lekësh. Shpenzime te cilat kane qene te padokumentuara. Këtij demi i bashkëngjiten dhe shpenzimet pa kriter për dieta dhe shpërblime.