web counter
LEXO PA REKLAMA!

SHKARKO APP

App Store
Google Play

SHBA dërgon 350 ushtarë të tjerë në Irak

3 Shtator 2014, 15:50, Kosova & Bota CNA

Presidenti i SHBA Obama përforcon paninë e trupave në Irak. Përveç kësaj duhet të farkëtohet një aleancë rajonale kundër ushtrisë mizore të IS.

Presidenti i SHBA Barack Obama ka urdhëruar dërgimin e 350 ushtarëve të tjerë amerikanë në Irak. Njësitë ushtarake duhet të përgjigjen për mbrojtjen e misioneve diplomatike dhe personelit diplomatik në kryeqytetin Bagdad, njoftoi Shtëpia e Bardhë. Rreth 50 ushtarë, të cilët kanë qenë të vendosur në Bagdad, do të dërgohen në rajone të tjera, tha John Kirby, zëdhënës i Ministrisë së Mbrojtjes, duke mos dhënë detaje.

Me shtimin e prezencës së trupave SHBA reagon ndaj kërcënimit prej Shtetit Islamik të grupit xhihadist (IS), që vazhdon të avancojë prej veriut të Irakut. Pak para vendimit në Uashington shkaktoi tronditje dhe indinjatë publikimi i një videoje të milicëve të IS, ku tregohet prerja e kokës e reporterit amerikan Steven Sotloff, të rrëmbyer në Siri.

Qeveria e SHBA njoftoi se po shqyrton vetetësinë e regjistrimit. Prej disa javësh forcat ajrore kryejnë goditje nga ajri kundër pozicioneve të islamikëve në veri. Dërgimi i trupave shtesë është kërkuar nga Ministria e Jashtme e SHBA-së dhe organizohet nga Pentagoni. Sipas të dhënave të ministrisë amerikane të Mbrojtjes 820 ushtarë nga SHBA do të vendosen në të ardhmen në Irak.

“Forcim i partneritetit rajonal”

Për më tepër, sipas këtyre të dhënave, përfaqësues kryesorë rë ushtrisë do të udhëtojnë në Lindjen e Mesme për të ndihmuar për ndërtimin e një “partneriteti më të fortë rajonal” në luftën kundër ushtrisë të ekstremistëve të IS. Po shqyrtohet mundësia, që Sekretari i Shtetit, John Kerry, ministri i Mbrojtjes, Chuck Hagel, dhe këshilltarja për Siguri Kombëtare, Lisa Monaco, të ndërmjetësojnë në rajonin e krizës.

Forca Ajrore e SHBA mbështet që nga fillimi i gushtit milicët kurdë Peshmerga dhe forcat qeveritare të Irakut në përpjekjet e tyre për të shtypur xhihadistët në veri të vendit. Sulme ajrore kanë qenë të përqëndruara në afërsi të digës së Mosulit. DW





13:40 Kosova & Bota

Mësimet nga lufta

Më 1 shtator të vitit 1939 Gjermania nisi Luftën e Dytë Botë...

Lajmet e fundit nga